Elordadaǵy bardyń kúzetshilerine 19 jastaǵy jigitti urdy degen aıyp taǵylyp jatyr.  Bul týraly jábirlenýshiniń anasy áleýmettik jelide, dálirek aıtqanda bas prokýratýranyń paraqshasyna jazǵan. Bul týraly tengrinews.kz habarlady.

Qazirgi ýaqytta ananyń jazbasy bas prokýratýranyń paraqshasynan óshirilgen.

– Týǵan kúninde, 2020 jyly 25 qyrkúıekte, juma kúni ulym astanada boldy. Ol óziniń týǵan kúnin meıramhanada jaqyn dostarymen atap ótti, sol jerde keıinirek osy mekemeniń kúzetshisi meniń ulymdy aıaýsyz uryp-soqty. Keıinirek sál saýyǵyp ketip, ózi polısıa otrádyn shaqyrdy, bul kezde túngi saǵat eki shamasynda edi. Sodan keıin ony uryp-soǵyp, murny synǵan kúıinde jalpy aýrýhanaǵa jetkizdi, –  dedi jábirlenýshiniń anasy.

Nur-Sultan polısıasy bul jaǵdaıǵa qatysty tómendegideı túsinikteme berdi.

"Aǵymdaǵy jyldyń 26 ​​qyrkúıeginde saǵat 02.47-de polısıaǵa Ortalyq kúzetshileri Turan dańǵyly boıynda eki kelýshige dene jaraqatyn salǵany týraly habarlama kelip tústi. Nátıjesinde 19 jastaǵy bala Nur-Sultan qalasynyń 2-shi qalalyq aýrýhanasyna jetkizildi. Kúdikti  ustaldy. Atalǵan fakti boıynsha qylmystyq kodeksiniń 293-baby "Buzaqylyq" boıynsha qylmystyq is qozǵalyp, sot-medısınalyq saraptama taǵaıyndaldy" delingen polısıa habarlamasynda.

Sonymen qatar, ákimshilik kodekstiń 425-baby boıynsha karantındik rejımdi buzǵany úshin mekeme ákimshiligine qatysty ákimshilik is qozǵalǵandyǵy belgili boldy.