Búgin premer-mınıstriniń orynbasary Eraly Toǵjanov jumys saparymen Almaty qalasyna keldi. Almaty qalasynyń ákimi Baqytjan Saǵyntaevpen birlesip qalanyń 70-ten astam aýrýhanalary men emhanalarynyń bas dárigerleriniń qatysýymen beınebaılanys rejıminde aýqymdy jınalys ótkizildi, dep habarlady Almaty ákiminiń baspasóz qyzmeti.
Aqparattyq habarlamada kezdesýde qazirgi epıdemıologıalyq jaǵdaıdyń ózekti máseleleri jáne megapolıste COVID-19 taralýyna jol bermeý boıynsha qabyldanyp jatqan sharalar qaralǵany baıandalǵan.
Eraly Toǵjanov qalada syrqattanýshylyqtyń ósýine, sondaı-aq COVID-19 PTR dıagnostıkasynyń máselesi boıynsha zerthanalardyń jumysyn úılestirýdiń mańyzdylyǵyna nazar aýdardy.
– Búgin qoıylǵan mindetterdi búgin qalanyń bas sanıtarlyq dárigerimen birlesip taldap, qajetti sharalar qabyldaýdy suraımyn, – dep atap ótti E. Toǵjanov.
Jıyn qorytyndysy boıynsha Eraly Toǵjanov tómendegideı tapsyrmalar berdi:
- qyzmetkerler sany 15 jáne odan da kóp adamdy quraıtyn uıym qyzmetkerleriniń 60-80%-yn qashyqtyqtan jumys isteý rejımine kóshirý;
- mektepke deıingi balalar mekemelerinde qosymsha kezekshi toptar, qala mektepterinde kezekshi synyptar ashýdy toqtata turý;
- jeksenbi kúnderi sanıtarlyq kúnge jabyla otyryp, SOO, saýda obektileriniń jumysyn senbi kúni saǵat 17.00-ge deıin shekteý;
- qoǵamdyq tamaqtaný obektileriniń, onyń ishinde saýda oıyn-saýyq ortalyqtarynda ornalasqan nysandardyń qyzmetine saǵat 19.00-den 23.00-ge deıin, ujymdyq is-sharalar ótkizbeı, bas sanıtar dáriger Qaýlysynyń talaptaryn saqtaı otyryp, otyratyn oryndar sany 50-den aspaǵan jaǵdaıda qyzmetine ruqsat etý;
- ónerkásiptik, qurylys, kólik kásiporyndarynyń qyzmetkerlerin jumysqa jetkizý jáne tasymaldaý úshin uıymdarǵa qyzmettik kólikti usyný;
- bas sanıtar dáriger Qaýlysynyń talaptaryn saqtaı otyryp, jumys kúnderi saǵat 10.00-den 18.00-ge deıin, senbi kúnderi saǵat 10.00-den 15.00-ge deıin jumys kestesin belgileı otyryp HQKO jumysyn uıymdastyrý;
- testilik rejımde jumys isteý kezinde belgilengen shekteý sharalaryn saqtaı otyryp, týrızm obektileriniń jumysyn jalǵastyrý.
