Májilis pen máslıhattar saılaýynyń aldyndaǵy úgit-nasıhat jumystary aıasynda «Nur Otan» partıasynan úmitker Meırambek Tólepbergen Sarysý aýdanynda bolyp, Jańatas qalasynyń turǵyndarymen kezdesti.

Aýdan ortalyǵyndaǵy 3 shaǵyn aýdan №38 úı turǵyndarymen kezdesý barysynda Meırambek Myltyqbaıuly saılaýaldy partıa baǵdarlamasynyń negizgi baǵyttarymen tanystyryp, óz oıyn ortaǵa saldy. Eńbek ardagerleri men orta býyn ókilderi ashyq áńgimege belsene qatysty.

Óz sózinde úmitker halyqtyń áleýmettik jaǵdaıynyń jaqsaryp, máselelerdiń tıanaqty bolǵanyn qalaıtynyn jetkizdi. Óz kezeginde jańatastyqtar naqty iske qoldaý kórsetetinin aıtyp, taýarlar baǵasynyń turaqty bolýyna aldaǵy ýaqytta da nazarda ustaýdy usyndy.

Jańatasta 91 kópqabatty úı bolsa, sonyń 81-de jaryqtandyrý jumysy júrgizilip, 16 balalar oıyn alańy iske qosyldy. Qalada bıyl «Jumyspen qamtýdyń Jol kartasy» boıynsha 337 mln. teńge qarjyǵa áleýmettik nysandar jóndeldi. Mine,osy memlekettik baǵdarlamalardyń júzege asýy eldik tirliktiń aıqyn kórinisi. Jańatastyqtar muy jaqsy túsinedi, kenshiler qalasynyń keleshegine zor senimmen qaraıdy. Kóp páterli bir úıdiń turǵyndary ashyq áńgime ústindegi oı-pikirleriniń ortaq múddeden tabylǵanyn qostap, tilektestik tanytty.

Kelesi kezekte M. Tólepbergen el-jurtqa qadir-qasıetimen syıly, kópshilik qurmetine bólengen Saǵıra Ýashbaıqyzynyń shańyraǵynda boldy. 90 jasqa qadam basqan anamyz óz otbasymen Qazaqstan óz táýelsizdigin jarıalap, Qazaqstannyń Tuńǵysh Prezıdenti Nursultan Nazarbaev ártúrli zaman tolqynynda taǵdyr tálkegimen shartarapqa shashyrap ketken qazaq baýyrlarymyzdy Atajurtqa oralýyna tarıhı qamqorlyq jasaǵan ýaqytta Mońǵolıadan kóship kelgen eken. Sodan beri bul kisiler eńbek etip, el qatarly turmysyn tiktegen.
Asyl ana el jańalyqtarynan habardar.Aldaǵy saılaýda óz tańdaýyn jasap, nurotandyqtarǵa qoldaý kórsetetinin aıtyp otyr. Aq tileýi Qazaqstannyń órkendeýi men beıbit ómirine bekemdelgen. Otanymyzdyń nurly bolashaǵyna arnap aq batasyn bergen ájemiz bizben erekshe meıirimmen, ystyq peıilmen áńgimelesti.

«Nur Otan» partıasy Jambyl oblysynyń Saılaý qorynyń qarajatynan tólendi