Rashıd Týkeshev esimdi Atyraý turǵyny erekshe balalarǵa arnalǵan balabaqshaǵa baratyn ulyn udaıy uryp kelgen tárbıeshini bir jyldan astam ýaqyttan beri jaýapqa tartqyza aımaı júrgenin aıtyp, instagram arqyly úndeý joldady. Aıtýynsha, buǵan deıin qalalyq deńgeıdegi barlyq quzyrly organdarǵa shaǵymdanýynan esh nátıje shyqpaǵan. Balasyna qol kótergen tárbıeshi áli kúnge deıin jumys istep júr.

Jábirlenýshi QR bas prokýroryna, Eńbek jáne áleýmettik qorǵaý mınıstrligine, Atyraý oblysynyń ákimdigine, memlekettik qyzmet jónindegi agenttiktiń departamentine, "Nur Otan" partıasy Atyraý oblystyq fılıalynyń tóraǵasyna, blogtar qorynyń dırektory Arýjan Saınǵa jáne barlyq quzyretti organdarǵa máselege nazar aýdarýdy suraıdy.

"2019 jylǵy 18 qarashada Atyraýdaǵy sóıleýinde qıyndyqtary bar balalarǵa arnalǵan "Altyn balyq" mamandandyrylǵan memlekettik balabaqshasynda tárbıeshi Izmagambetova Marıa Kabdýlovna birneshe ret ulym R.A.Ermekovke dene jaraqatyn salǵan. Qolymda ulymdy zábirlegen, mazaq qylǵan, urǵan sátter beınelengen 25 beınejazba bar. Balamnyń nevrologıalyq dıagnozy bolǵandyqtan qurdastaryna qaraǵanda damýynda tejelý bar. Sondyqtan bolǵan jaıtty aıta almaıdy" delingen jazbada.

Rashıd Týkeshev "aýdandyq, oblystyq bilim bólimderine, qalalyq ishki ister bólimine, qalalyq prokýratýraǵa aryzdanǵanynan esh nátıje bolmady" dep otyr. "Prokýratýra men qalalyq polısıa bólimi isti únemi keıinge qaldyra beredi" degen ol ádildikti talap etetinderin, tárbıeshini jaýapqa tartyp, balalarmen múlde jumys istemeıtindeı etýdi suraıdy.

"Sot prosesin sozbasyn. Osy 13 aı boıy biz sumdyq jaǵdaıdy ótkerip kelemiz. Bizdiń otbasymyz úshin bul úlken strass. Endi qansha sozýǵa bolady" delingen jaǵdaıdy áleýmettik jelige jarıalaýdan basqa sharasy qarmaǵan áke.

 

 

 

Posmotret etý pýblıkasıý v Instagram

 

 

 

Pýblıkasıa ot Týkeshev Rashıd (@tukeshevrashid76)