Osyndaı málimdemeni Túrkıanyń iri opozısıalyq partıasy CHP (Respýblıkalyq halyq partıasy) jasaǵan zertteýler nátıjesinde qujattyq túrde jetkizdi. Bul týraly «Qamshy» portaly túrkıalyq «Bugün» gazetine silteme jasaıdy.

Shanlyýrfa qalasyna qarasty Sýrých aımaǵynda oryn alǵan lańkestik áreketke baılanysty Túrkıanyń Shyǵys jáne Ońtústik-shyǵys aımaqtaryn qatań baqylaýǵa alǵan atalmysh partıa músheleri Adyıaman qalasynda júrgizgen zertteý nátıjelerin málimdedi.

CHP partıasynyń tóraǵa orynbasary Velı Aǵbabanyń jetekshiligindegi baqylaý toby tarapynan ázirlengen qujatta keıbir «Islam memleketi» sodyrlarynyń qataryna adam tartý maqsatynda kafe men meshitterde uıym ókilderiniń bar ekendigi, sondaı-aq, balalary osy uıymǵa ketken otbasylardyń túsirgen shaǵymdary nazardan tys qalyp jatqandyǵy aıtylǵan.

Ekstremıstik uıym músheleriniń jedel járdem kólikterimen Sırıaǵa jóneltilip jatqandyqtary aıtylǵan qujatta: «Jumyssyzdyq saldarynan shaıhanalar men kafeler adamǵa toly. Tipti keıbir kafeler «ISHIM men baılanys nysany» sekildi... » degen joldar kópshiliktiń nazaryn burdy.

Terrorlyq uıymnyń óz «qurbandaryn» jınaýǵa yńǵaıly sanaǵan endigi bir nysany, sol jerdegi keıbir meshitter eken. Ásirese, Marashshylar jáne Fatıh meshitterinde syrttan kelip, meshitterde túrli «ýaǵyzdar» aıtyp, jıhadqa úndeýshiler bar kórinedi.  

Málimdemeniń sońynda taǵy da mynadaı jaǵa ustatar jaıt oryn alǵan: «Atalǵan aımaqta shekara qaýipsizdigi joq dese de bolǵandaı. Bul jaǵdaı ISHIM-niń jastardy Sırıaǵa jáne basqa aımaqtarǵa áketýlerine múmkindik berip otyr. Quzyrly organdardyń ISHIM-niń bul áreketterine qarsy eshqandaı shara qoldanbaı otyrǵandyqtan, al bundaı salǵyrttyqtardyń ISHIM-niń sol aımaqta «jalǵandy jalpaǵynan» basqandaı erkin áreket etýlerine jol ashyp jatqandyǵyn kórsetedi. Búgingi tańda kafeler uıymǵa múshe jınaýǵa yńǵaıly oryn retinde qoldanylýda. Uıym nasıhattalǵan keıbir meshitter de qatań baqylaýǵa alynyp, al shaǵymdarǵa salǵyrt qaraǵandar qatań jaýapqa tartylý kerek» delingen.

Nurzat Toǵjan «Qamshy» portaly, «Bugün» gazeti