AQSH prezıdenti Donald Tramp prezıdenttikten keter aldyndaǵy qoshtasý sózin aıtty. "Biz jasaý kerek istiń bárin jasadyq jáne óte kóp jasadyq" dep málimdedi. YouTube-te jarıalanǵan vıdeoda ol "qatal shaıqastardy, eń aýyr jekpe-jekterdi" qabyldaǵanyn aıtyp, "sizder meni saıladyńyzdar" dedi.
Tramp qarashadaǵy saılaýdyń nátıjesinde demokrat Djo Baıdennen jeńilgenin áli de tolyqtaı qabyldamady. Baıden sársenbide prezıdent retinde ant beredi.
Inaýgýrasıa qarsańynda Baıden Kovıd-19-dan qaıtys bolǵan 400 myń amerıkalyqtarǵa qurmet kórsetti. Pandemıadan qaıtys bolǵandarǵa qurmet kórsetý úshin Vashıngtondaǵy Lınkoln memorıalynyń aldynda 400 sham jaǵyldy.
Pikir qaldyrý