Sara Nazarbaeva Qazaqstanda adamnyń úılesimdi damýy ınstıtýtyn ashady, dep habarlady "KTK" telearnasy.

Basylym málimetinshe, Sara Alpysqyzynyń qoǵamdyq bastamalaryn talqylaýǵa arnalǵan onlaın-konferensıada adamnyń úılesimdi damýy ulttyq ınstıtýty ashylatyny aıtylǵan. Bul ınstıtýt jastardyń tulǵa retinde qalyptasýyna qoldaý kórsetý maqsatynda ashylmaq.

– Úmit úıleri taǵdyr tálkegine tap bolǵan jas analarǵa teńdesiz qoldaý boldy. Joba elimizde tastandy bala bolmaýyn maqsat qylyp qoıdy. Bul úılerde balany ýaqytsha qaldyrýǵa bolady. Ári ana sábıin qalaǵan kezde kóre alady. Al aıaǵynan turǵanda ony alyp ketedi. Elimizde osyndaı úıler baryn kópshilikke jetkizýimiz kerek. Ári bul joba tıisti baǵasyn alsa eken, – dedi memleket jáne qoǵam qaıratkeri Zaǵıpa Balıeva.

Onlaın-konferensıada Nazarbaevanyń 12 aqpan kúni 80 jasqa tolatyny aıtyldy. Sondaı-aq qatysýshylar onyń "Ózin-ózi taný" ıdeıasy, "Bóbek" qaıyrymdylyq qory, "SOS Qazaqstan balalar aýyldary" qory sekildi jobalaryna toqtalyp, jetistiktikterin aıtty.