Qazirdiń ózinde birqatar elden otandyq vaksınaǵa qyzyǵýshylyq bar. Bul týraly densaýlyq saqtaý mınıstri Alekseı Soı ortalyq komýnıkasıalar qyzmetinde ótken onlaın brıfıńte málimdedi.

– Birqatar memleket tarapynan qazaqstandyq vaksınaǵa qyzyǵýshylyq bar. Olar baılanysqa shyqty. Barlyǵy klınıkalyq zertteýler nátıjesin kútip otyr.

Osy ýaqytqa deıin "QazCovid-In" vaksınasy úsh myń eriktige calyndy. Olardyń jaǵdaıy jaqsy, jaǵymsyz áser baıqalǵan joq. Shamamen, sáýir aıynda vaksına shyǵarylady. Biz oǵan úlken senim artyp otyrmyz. Aldyn ala boljam boıynsha otandyq vaksınanyń tıimdiligi 90 prosentten asyp otyr. Bul – óte jaqsy kórsetkish, –  dedi mınıstr.

Soı otandyq vaksına shyqqan boıda ishki naryqqa jiberiletinin jáne birinshi bolyp saldyratynyn atap ótti.