Qazaqstandyq kólik júrgizýshileri 13 aqpannan bastap, ózimen birge júrgizýshi kýáligi men kóliktiń tehnıkalyq qujatyn alyp júrý mindetti emes.

Atalǵan zań kúshine engenge deıin júrgizýshi kýáligi joq bolǵany úshin ákimshilik jaýapqa tartylyp, aıyppuly áli tólenbegen adamdardyń isi toqtatylady. Osylaısha, jol erejesin buzǵandardyń aıyppuly keshiriledi.

– Tıisinshe, atalǵan qujattardyń bolmaǵany úshin qozǵalǵan barlyq is, zań kúshine engenge deıin aıyppul tólenbese, toqtalǵan bolyp sanalady. Biraq mundaı isterdi quqyq buzýshydan tıisti ótinish kelip túsken jaǵdaıda jáne ol boıynsha tekserý júrgizilgenen keıin ǵana toqtatý kerek, – dep habarlady Nur-Sultan qalasy PD baspasóz qyzmeti.

Budan bylaı jeke basyn kýálandyratyn qujat bolǵan jaǵdaıda, kólik tizgindeýshiler júrgizýshi qujatyn alyp júrýge mindetti emes.