Qazaqstan Prezıdenti Nursultan Nazarbaevtyń taǵy bir nemeresi Qazaqstan fýtbol federasıasynyń prezıdenti bolýǵa ótinish bildirgen. Eks-elshi Rahat Álıev pen depýtat Darıǵa Nazarbaevanyń kishi uly Aısultan Nazarbaev Qazaqstan fýtbol federasıasynyń prezıdenttigine ózin-ózi usynǵandyǵy týraly aparat taraǵan. Onda Aısultan Rahatuly Nazarbaev qazirgi QFF prezıdenti Erlan Qojaǵpanovtyń eki birdleı laýazymdy qyzmetti qatar atqaryp júrgenin synǵa alǵan. Bul týraly «Qamshy» portaly VKontakte jelisindegi «Za tebá Bake» tobynyń aqparatyna silteme jasaıdy.
Aısultan Nazarbaevtyń Qazaqstan fýtbol federasıasy atqarýshy komıtetine joldaǵan hatynda «federasıanyń qazirgi prezıdenti Erlan Qojǵapanov myrza QFF prezıdenttigimen qatar «Astana» kásibı sport klýbynyń basshysy mindetin atqaryp keledi. Al FIFA zańnamalary boıynsha buǵan jol berilmeýi kerek edi. Sondyqtan da men QFF kezekten tys prezıdenttik saılaý ótkizýdi jáne federadasıa prezıdenttigine ózimniń kandıdatýramdy usynamyn. Ózimniń oıynshy retindegi jáne Birikken Koróldikte júrgendegi tájirbıeme súıene otyrp, barlyq bilimim men kush-qýatymdy Qazaqstan fýtbolynyń damýyna jumsaıtynymdy aıtqym keledi»,-degen.
Nur.kz saıty jarıalaǵan aqparattaǵy hat resmı tilde jazylǵanyn eskere otyryp, «Qamshy» portaly hatta nendeı ózekti máseleler kóterilgenin saraptaǵan bolatyn.
1994 jyldary Qazaqstan fýtboly FIFA quramyna qosylǵannan bastap, eýropalyq standarttar boıynsha jumys jirgizilip kelgeni belgili. Biraq budan qazaq jáne Qazaqstan fýtbolynyń tasy órge domalaı qoımaǵan-dy. Al 2002 jyly eks-elshi, Aısultan Nazarbaevtyń ákesi Rahat Álıevtiń prezıdenttigi kezinde Qazaqstan fýtbol federasıasy ÝEFA quramyna qosylǵanyn biz joǵaryda atap ótken bolatynbyz. Osydan arada kóp ýaqyt uzamaı jatyp-aq, almatylyq «Qaırat» klýby fýtzaldan ÝEFA kýbogynyń qola júldegeri atandy Bul 2008/09 jyldary edi. Buǵan marqum Rahattyń tıgzgen septigi az bolmaǵan. Al 2013 jyly «Qaırat» osy fýtzaldan ÝEFA chempıony bolǵanda olar fınaldyq kezdesýde áıgili ıspanıalyq «Barselonany» tuqyrtqanda barsha qazaq bórkimizdi aspanǵa atyp qýandyq. Ras qoı. 2013 jyly úlken fýtboldan qaraǵandylyq «Shahter» klýby da Eýropa Lıgasynyń toptyq kezeńine bir taban jaqyndaǵan edi. Sol kezde Táýelsiz Qazaqstannyń fýtbol alańynda tuńǵysh ret «Chempıondar lıgasynyń «gımni oınady. Bul da jetistik edi. Al kúni keshe ǵana «Astana» fýtbol klýby Chempıondar lıgasynyń toptyq kezeńine shyqqan tuńǵysh qazaqstandyq komanda bolyp tarıhqa kirdi. Kúlli Qazaqstan halqy qýanyshtan jarylardaı boldyq. Biz munymen maqtanamyz.
Aısultannyń aıtýynsha, Qazaqstan ÝEFA-ǵa qosylǵannan bastap fýtbolda aıtarlyqtaı ózgerster oryn alǵan. Oldardyń birsypyrasyn biz joǵaryda tizbelep óttik-te. Mysaly,
«ÝEFA quramyna qosylǵan kezde biz odaqtyń barlyq talaptaryna kelisken bolatynbyz. Sonyń ishinde, eýropalyq fýtbol ınfrastrýktýrasyn, reglamentteri men standarttaryn qabyldadyq. Al taǵy bir erejede federasıa prezıdenti óz qyzmetine kedergi keltiretin barlyq qyzmetterden bas tartýy kerek delingen. Alaıda osy máselede Erlan Tohtarhanuly Qojaǵapanov birneshe laýazymdy qyzmet atqaratynyn eskere ketý kerek. Osy rette QFF prezıdenttiginiń kezekten tys saılaýyn ótkizýdi jáne osy laýazymǵa ózimniń úmitkerligimdi usynamyn» deıdi Aısultan Nazarbaev.
Qazaqstan Prezıdentiniń kishi nemeresi osyǵan deıin Ulybrıtanıada fýtboldan tálim alyp kelgen jáne «Astana», «Suńqar» fýtbol klýbtarynda oınaǵan bolatyn. Esterińizde bolsa, eks-elshi, dıssıdet, marqum Rahat Álıev Qazaqstan fýtbol federasıasynyń prezıdenti bolyp qyzmet atqarǵan kezde QFF ÝEFA quramyna qosylǵan edi.
Aıta keteıik, osyǵan deıin «Qamshy» portaly Aısultannyń aǵasy Rahat pen Darıǵanyń úlken uldary Eldordadaǵy laýazymdy qyzmetke taǵaıyndalǵany týraly jazǵan bolatynbyz.
2014 jyldan bastap elimizdiń ákimshilik basqarý isi qyzmetkerleriniń qataryna jap-jańa esim bolyp qosylǵan Nuráli Rahatuly men Ulybrıtanıa fýtbolynan tálim alyp kelgen, Qazaqstannyń birneshe klýbtarynda oınap júrgen Aısultan Nazarbaevtar týraly biri bilse, biri bile bermeıtini túsinikti.
Já, bilse de kádigi jurttyń aýzynda Olar – «prezıdent – atanyń» súıikti nemeresi nemese Qazaqstandaǵy nómiri birinshi oppozısıoner «bolǵan» azamattyń uldary.
Úlken saıasatqa kelgenine kóp bolmasa da Nuráli Rahatulyna Jaqsybekov myrza Astananyń «maıly jilikteriniń» birin tapsyrǵan.
Endi mine, Rahat pen Darıǵanyń sútkenjeleri de bildeı bir federasıanyń tizginine talasýda.
Iá, «ákesi úshin balasy jaýap bermeıdi» qaǵıdasyna salsaq, kimniń balasy bolsa da, qabileti men qarymy jetse, patsha kóńilińizge erik.
Nurgeldi Ábdiǵanıuly
