Bilim jáne ǵylym mınıstrligi 8 kolejdiń lısenzıasyn qaıtaryp aldy. Osyǵan baılanysty olardyń qyzmeti tolyǵymen toqtatyldy. Bul týraly mınıstrliktiń resmı saıty habarlady.

"Bilim jáne ǵylym salasynda sapany qamtamasyz etý komıteti oqý oryndarynyń bilim berý qyzmetine monıtorıń júrgizip, tıisti materıaldyq-tehnıkalyq bazasy joq kolejderdi anyqtady. Ol oqý oryndarynda sabaq júrgizilmegen nemese mektep túlekteri sol kolejderge (birinshi kýrsqa) oqýǵa túsýge qyzyǵýshylyq tanytpaǵan.

Mysaly, Kókshetaý zań koleji men Taldyqorǵan zań kolejinde bilim alǵan stýdentter túlek atanǵan soń, atalmysh oqý oryndarynyń basshylyǵy lısenzıalaryn óz erkimen qaıtarý týraly sheshim qabyldady" delingen habarlamada.

Mınıstrliktiń málimdeýinshe, barlyq jabylǵan kolej stýdentteri basqa oqý oryndaryna ýaqytyly aýystyryldy jáne oqytýshylary da jumyspen qamtamasyz etilgen.