2020 jyly Qazaqstannan 29,1 myń adam kóshken. Bul 2019 jylǵy kórsetkishpen salystyrǵanda 35,6 paıyzǵa tómen. Al Qazaqstanǵa qonys aýdarǵandar sany 2020 jyly 11,4 myń adamdy quraǵan, dep habarlady LS saıty.
Qazaqstannan kóshýshilerdiń basym kópshiligi (25 139 adam) Reseıge ketken. Bestikte Germanıa (2250), AQSH (247), Belarýs (234), Ózbekstan (199) jáne Kanada (111) bar.
Qazaqstanǵa qonys aýdarýshylar kóshin de Reseı (3614 adam) bastap tur. Odan keıingi oryndarda Ózbekstan, (2595), Qytaı (1560), Túrkimenstan (1192), Qyrǵyzstan (465) jáne Túrkıa (312) jaıǵasqan.
Elden ketkenderdiń arasynda byltyr Qaraǵandy oblysynyń turǵyndary kóp bolǵan. Ortalyq Qazaqstannan 4106 adam kóship ketken. SHQO-dan – 3868, Qostanaı oblysynan – 3347, Pavlodar oblysynan – 3170, Almaty qalasynan – 2654 azamat qonys aýdarǵan.
Elge kelýshiler negizinen Almaty oblysyna (2710), Túrkistan (1711), Qostanaı (1097), Qyzylorda (850) Aqtóbe oblystaryna (805) qonystanǵan.
Kóshkender arasynda 4471 tehnıkalyq maman, 2332 ekonomıs, 1454 pedagog, 759 medısına qyzmetkeri, 541 zańger, 447 arhıtektor-qurylysshy, 230 aýylsharýashylyq mamany bar. 5365 adam ózge mamandyqtardy meńgergen.
Qazaqstannan ketkenderdiń 20 313-i orys, 2481-i nemis, 2097-i ýkraın, 1311-i qazaq, 807-i tatar jáne taǵy basqa ulttar.
Pikir qaldyrý