Ǵ.Músirepov atyndaǵy Qazaq memlekettik akademıalyq balalar men jasóspirimder teatry «ASSITEJ» dúnıejúzilik asosıasıasynyń Qazaqstandaǵy ortalyǵy bolyp jarıalandy. Bul týraly «Qamshy» portaly habarlaıdy.
Álemniń 83 memleketi qatysatyn bul uıymdar qataryna tuńǵysh ret memleketimizdiń óner oshaqtary 84-shi bolyp qabyldandy.
Aıta ketsek, «ASSITEJ» dúnıejúzilik balalar men jasóspirimder teatrlar asosıasıasy 1965 jyly qurylǵan. Uıymnyń negizgi maqsaty – balalar men jasóspirimderdi teatr álemine qyzyqtyrý, teatr ónerin nasıhattaý. Olardyń ómirin teatr ónerimen baılanystyrý jáne teatrdyń ǵajaıyp qyr-syryn kórsetip, úlken múmkinshilikterge qalaı qol jetkizýge bolatyndyǵyn kórsetý.
ASSITEJ – dúnıe júzindegi balalar men jasóspirimder teatrlarymen birige jumys istep, tájirıbe, ulttyq dástúrlermen almasýǵa múmkindik beredi.
«ASSITEJ» dúnıejúzilik asosıasıasynyń Qazaqstandaǵy uıymynyń músheleri:
- Ǵ.Músirepov atyndaǵy Qazaq memlekettik akademıalyq balalar men jasóspirimder teatry;
- Astana Jastar teatry;
- T.Júrgenov atyndaǵy Qazaq ulttyq óner akademıasy;
- J.Elebekov atyndaǵy Respýblıkalyq estrada jáne sırk koleji;
- T.Júrgenov atyndaǵy Qazaq ulttyq óner akademıasynyń koleji.
