Almaty qalasy ákiminiń baspasóz qyzmeti Almaty áýejaıy mańynda apatqa ushyraǵan AN-26 áskerı ushaǵyndaǵy adamdardyń jaǵdaıy týraly habarlady.
"Jaǵdaılary óte aýyr. Dárigerler zardap shekkenderdiń ómirin qutqarý úshin bar kúshti salýda. Barlyq kadrlar, sonyń ishinde qalanyń bas reanımatology jumyldyryldy" delingen resmı saıt taratqan habarlamada.
Apattan 4 adam qaıtys bolyp, 2 adam zardap shekken. Jaraqat alǵandardyń biri 1987 jylǵy, onyń sol jaq sany synyp, jabyq bas súıek-mı jaraqatyn alǵan. Al ekinshi adam – 1996 jylǵy. Ol ashyq bas súıek-mı jaraqaty, qol saýsaqtarynyń synýy, 2-3 dárejeli dene kúıigimen Almaty qalalyq 4 QKB jansaqtaý bóliminde jatyr.
Pikir qaldyrý