Shyǵys Qazaqstan oblysy mádenıet basqarmasynyń basshysy Mıras Jumaǵulovtyń ishimdikke mas bolyp, janjal shyǵarǵany habarlandy. Bul týraly "Uzyn qulaq" instagram paraqshasy jazdy.

Jarıalanǵan aqparatta mádenıet basqarmasynyń basshysy qaladaǵy karaokelerdiń birinde Anastasıa esimdi boıjetkenmen sóılesip, ekeýi Jumaǵulovtyń úıine barýǵa keliskeni týraly aıtylady. Alaıda úıge kireberiste boıjetken ishki kirýden bas tartqan, Jumaǵulov oǵan kónbegen. Qoryqqan bıke polısıa shaqyrmaq bolǵanda, Jumaǵulov onyń telefonyn tartyp alǵan. Bolǵan jaıtty kórgen kórshiler polısıa shaqyrǵan.

Polısıa kóshede alkogóldik sýsyn ishkeni, mas jaǵdaıda qoǵamdyq orynda júrgeni úshin oqıǵanyń eki qatysýshysyna hattama toltyrǵan.

Jelidegi paraqshada bul Mıras Jumaǵulovtyń alǵashqy janjaly emestigin, Serebro restoranyndaǵy janjalda da aty atalǵanyn jazdy.

Al ratel.kz saıty Jumaǵulovpen sózge kelip qalǵan boıjetken de Shyǵys Qazaqstan oblysy ákimdiginiń qyzmetkeri ekenin habarlady.