2021 jyldyń úsh aıynda elde 2 621 jol apaty bolǵan. Bul týraly ishki ister mınıstrliginiń baspasóz qyzmeti habarlady.
Vedomstvo málimetinshe, jol apaty saldarynan 363 adam qaza taýyp, 3 605 adam jaraqat alǵan. Bıyl ótken jylmen salystyrǵanda, qaza bolǵandar sany 11,7 paıyzǵa ósken.
– Jol apatynyń sebepteri jyldamdyqty asyrý, qarsy jolaqqa shyǵý jáne jol qıylystarynan ótýmen baılanysty. Búgingi tańda elimizde 4,3 mln kólik quraly paıdalanylýda. Árbir júrgizýshi rúlge otyryp, ózin barynsha qaýipsiz sezingisi keledi. Bizdiń mindetimiz – ony qamtamasyz etý, – dedi ákimshilik polısıa komıtetiniń tóraǵasy Murat Baımuqashev.
Pikir qaldyrý