Qazaqstan ınvestısıa jáne damý mınıstrligi men Dúnıejúzilik bank «Qazaqstanda energotıimdilikti arttyrý» jobasynyń bastalǵanyn habarlady. Joba boıynsha bank Qazaqstanǵa 21,7 mıllıon dollar grant bergen. Bul týraly «Qamshy» portaly «Nur.kz-ke» silteme jasaı otyryp habarlaıdy.

Qarjy memlekettik jáne áleýmettik nysandardyń energotıimdiligin arttyrýǵa, ınstıtýsıalyq bazany, onyń ishinde energo únemdeý men energotıimdilikti arttyrý salasyndaǵy jobalarǵa jumsalýy tıis.

Joba maqsaty – memlekettik jáne áleýmettik ǵımarattarda onyń ishinde mektep, balabaqsha, aýrýhana men kóshedegi jaryq berýde energıany tıimdi paıdalanýdy qalyptastyrý.

Joba 2016 jyly Atyraý, Qyzylorda, Mańǵystaý, Qaraǵandy, Pavlodar men Shyǵys Qazaqstan oblystarynda salynyp jatqan 19 áleýmettik nysanda (8 mektep, 11 balabaqsha) júzege asady. Bul áleýmettik nysandardy salý kezinde jylý jáne jaryq berý júıeleri aýystyrylady.