Shymkent qalalyq máslıhatynyń depýtaty Jambyl Qalaýov Belarýs prezıdenti Aleksandr Lýkashenkonyń vıdeosyn taratqany úshin "Nur Otan" partıasynan shyǵyp qaldy. Bul týraly «Qamshy» portaly tengrinews.kz-ke silteme jasaı otyryp habarlaıdy.

Munda másele 2014 jyldyń qarasha aıynda jarıa bolǵan vıdeo jaıly bolyp otyr. Vıdeoda Lýkashenko óz úkimeti men Ulttyq bankke Belarýste benzın baǵasyn qoldan kóterýge jol bermeıtinin málimdeıdi.

Jambyl Qalaýov Lýkashenkonyń vıdeosyn óziniń partıalastaryna kórsetkisi keledi. Alaıda partıadaǵy áriptesteri onyń oıyna qarsy shyqqan. Halyq qalaýlysyn úkimetti qulatýǵa úndedi dep aıyptap, partıa bıletinin, sonymen qatar, mandatynan aıyryp tynǵan. 
"Ózin aqtaý úshin ol iPhone smartofonynyń kómekshisinde qalyp qoıǵanyn aıtady. "Men óz kómekshimdi jazaladym. Ol iPhone arqyly meniń atymnan sóılegen" degendi aıtady. Men máselen óz iPhone-ymly bireýge bermeımin, sebebi bul qymbat telefon ǵoı, ıá?", - deıdid OQO máslıhat depýtaty Ómirzaq Meldehanov.