Túrkistan oblysynyń Tóle bı aýdanyna qarasty "Saıram-Ógem" shatqalynda joǵalǵan taǵy bir týrısiń máıiti tabyldy, dep habarlady oblystyq tótenshe jaǵdaılar departamentiniń baspasóz qyzmeti.
Vedomstvonyń málimetine saı, 22 maýsym saǵat 11.50-de Shymkent qalasy tótenshe jaǵdaılar departamenti jedel-qutqarý jasaǵynyń qutqarýshylary máıitti Aıǵyrjyqqan jáne Ógem ózenderiniń toǵysqan jerinen eki shaqyrym joǵaryda sý túbinen tapqan.
Múrdeni tasymaldaý úshin "Qazavıaqutqarý" tikushaǵy oqıǵa ornyna bara jatqany, saraptama jasaý úshin máıit polısıaǵa tapsyrylatyny habarlandy.
"Joǵalǵan týrıserdi izdestirý jumystary 8 baǵyt boıynsha júrgizildi. Oǵan 107 adam, 17 birlik tehnıka, 3 kvadrokopter, 4 kınologıalyq esep pen 1 tikushaq jumyldyryldy" delingen habarlamada.
Eske sala keteıik, 25 mamyr kúni saǵat 18:30-da "112" púltine Túrkistan oblysynda taýda 7 týrısiń joǵalyp ketkeni týraly habarlama kelip túsken. 3 týrıs otbasymen aman-esen qaýyshsa, 3 adamnyń denesi tabylǵan.
Pikir qaldyrý