Aqtaýdaǵy tótenshe jaǵdaı núktesine kelgen Imanǵalı Tasmaǵambetov arnaıy jınalys ótkizdi. Bul týraly «Qamshy» portaly Tengrinews-ke siltemeı jasaı otyryp habarlaıdy. Jıyn barysynda ol tórt áskerıdiń ólimine baılanysty áskerı prokýratýra qylmystyq is qozǵaǵanyn aıtty.
Tasmaǵambetov mundaı oqý-jattyǵýlardyń burynǵysha ótkizile beretinin, sondyqtan da áskerılerdiń jaýyngerlik jaǵdaıǵa daıyn bolý kerektigin eskertti. Qorǵanys mınıstriniń aıtýynsha, ár komandır áskerılerdiń ómirin saqtaı otyryp, aldyna qoıǵan tapsyrmasyn oryndaıtyndaı alýy kerek. Tasmaǵambetov zalda otyrǵandardy durys sheshim qabyldaýǵa shaqyrdy.
Jıynda mınıstrge tergeý nátıjesiniń aldyn ala nusqasy usynyldy. Qorǵanys mınıstrligi Bas ınspeksıasynyń bastyǵy oqıǵanyń desantty-túsirý quraldary joq kezde teńiz desantyn túsirý praktıkalyq epızodyn oryndaý barysynda durys sheshim qabyldamaý saldarynan bolǵandyǵyn aıtty. Qorǵanys mınıstri arnaıy komısıaǵa qyzmettik tekserý júrgizýdi tapsyryp, áskerı qyzmetshilerdiń ómiri men qaýipsizdigine jaýapty kináli laýazymdy tulǵalardy anyqtaýdy tapsyrdy.
«Qamshy» silteıdi
