Qytaıdyń keıbir baı ónerkásip alpaýyttary Beıjińniń retteý sharalary kezinde 100 mld dollarǵa jýyq jeke baılyqtaryn joǵaltty.

Finanical Times  aqparatynsha, Beıjiń qytaılyq Dıdı Chýksınge qarsy saıasatty bastaǵannan beri, Dıdı Chýksınniń jalpy kirisi 16%-ǵa tómendegen.

Málimetke sáıkes, eń aýyr soqqylardyń biri Pındýodý elektrondy komersıa saıtynyń negizin qalaýshy Kolın Hýange jasalǵan. Ol baılyǵynyń úshten birinen nemese 15,6 mıllıard dollarynan aıyrylǵan. Pındýodý aksıalary shilde aıynyń basynan beri 27% shamasynda qunsyzdandy.

Alibaba-nyń negizin qalaýshy Djek Ma sońǵy kezderi aýyr shyǵyndardan aman qaldy, biraq ol da Beıjińniń qatal saıasatynan az zardap shekpedi. Shildeniń basynan beri Djek Ma 2,6 mıllıard dollar joǵaltqan, al, qarashadan beri 13 mıllıard dollardan aıyrylǵan.

Dese de, keıbir qytaılyq magnattar normatıvtik shabýyldan paıda kórdi.

"Nongfu Spring" kompanıasynyń ıesi  Chjýn Shanshan 72 mıllıard dollar baılyǵymen Qytaıdyń eń baı adamy atandy. Onyń dáýleti maýsymnyń sońynan beri 5 mıllıard dollarǵa ósti. Sol sıaqty, Qytaıdyń avtokólik jáne jańartylatyn energıa salasyndaǵy jetekshi ónerkásipshileriniń baılyǵy sońǵy eki aıda kóbeıdi.
Eń úlken shyǵyn tehnologıalyq saladaǵy qytaılyq mıllıarderlerde boldy. Sonymen qatar, jyljymaıtyn múlik pen densaýlyq saqtaý sıaqty basqa da salalardaǵy keıbir mıllıarderler de zardap shekti.

Finanical Times basylymy Beıjińniń sońǵy kezdegi qatal saıasaty saldarynan qytaılyq baılar 87 mld dollar shamasynda joǵaltqanyn eseptese, ózge aqparat kózderi qytaılyq mıllıarderlerdiń odan da kóp shyǵynǵa batqanyn aıtady.