Densaýlyq saqtaý mınıstrligi belgili bir sanattaǵy qyzmetkerler koronavırýsqa qarsy vaksınanyń birinshi komponentin 10 tamyzǵa deıin, ekinshisin 1 qyrkúıekke deıin alý qajettigin habarlady.

Vedomstvonyń málimetinshe, jumys oryndarynda vaksınalaýǵa qatysty tekseris 10 tamyzda emes, 2021 jyldyń 1 qyrkúıeginde bastalady.

Buǵan deıin qyzmetkerler ekpeniń birinshi komponentin 2021 jyldyń 10 tamyzyna deıin, al ekinshisin 1 qyrkúıekke deıin alýǵa tıis ekeni habarlandy. Medısınalyq qarsy kórsetilimi bar azamattar men sońǵy úsh aıda koronavırýspen aýyrǵandar vaksınalaýdan bosatylady.

Sonymen qatar vaksınalanbaǵan qyzmetkerler aptasyna keminde bir ret PTR-testileýden ótýi kerek (medısınalyq qarsy kórsetilimi barlar men sońǵy úsh aı ishinde aýyrǵan adamdardy qospaǵanda).

Vaksınalanbaǵan qyzmetkerge salynatyn aıyppul mólsheri 

Laýazymdy tulǵaǵa 15 aılyq eseptik kórsetkish kóleminde aıyppul salynady – 43 775 teńge (shamamen 100 dollar);

• shaǵyn bıznes pen komersıalyq emes uıymdar sýbektileri - 100 AEK nemese 291 700 teńge (685dollar);
• orta bıznes – 200 AEK nemese 583 400 teńge (1370 dollar);
• iri bıznes – 500 AEK nemese 1 458 500 teńge (3420 dollar).

10 tamyzǵa deıin kimder vaksına saldyrýy kerek:

• halyqqa qyzmet kórsetý nysandary, onyń ishine mynalar kiredi:
• halyqqa qyzmet kórsetý ortalyqtary (HQKO), "Qazposhta" AQ bólimsheleri,
• ekinshi deńgeıli bankter, qarjy naryǵynyń nysandary, saqtandyrý kompanıalary, jyljymaıtyn múlik agenttikteri, jarnama agenttikteri, aıyrbastaý pýnktteri, lombardtar,
• sulýlyq salondary, shashtarazdar, hımıalyq tazalaý oryndary, kıim jýý oryndary,
• fıtnes ortalyqtary, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monshalar, saýnalar, baseınder, jaǵajaılar,
• tıpografıalyq qyzmetter, tigin atelesi, fotosalondar, aıaq kıim sheberhanalary, gúl dúkenderi, aıaq kıim, kıim jóndeý, keńse tehnıkasyn jóndeý servısi,
• notarıýs, býhgalter jáne konsaltıń, manıkúr jáne pedıkúr, kosmetologıalyq qyzmet kórsetý boıynsha nysandar, ózge de nysandar;
• halyq tutynatyn ónimder men taýarlardyń kóterme jáne bólshek saýda (saqtaý) nysandary, onyń ishinde bazarlar, saýda úıleri, saýda jelileri, saýda jáne oıyn-saýyq ortalyqtary, dúkender, shaǵyn marketter, sýpermarketter, gıpermarketter;
• mádenıet jáne demalys nysandary: mýzeıler, mýzeı-qoryqtar, kitaphanalar, konserttik uıymdar, fılarmonıalar, teatrlar, kınoteatrlar, konsert zaldary, klýbtar, galereıalar, kórmeler, sırkter jáne basqa da mádenı-demalys uıymdary;
• halyq turatyn qyzmet kórsetý salasyndaǵy nysandar: qonaq úıler, otelder, hostelder, motelder, jataqhanalar, kempıngter jáne taǵy basqalary;
• jolaýshylar tasymalyn júzege asyratyn uıymdar, áýejaılar, temirjol, kólik jáne sý vokzaldary, ózen jáne teńiz porttary, avtostansıalar/avtoótpe joldary, jolaýshylarǵa qyzmet kórsetý pýnktteri;
• bilim berý jáne tárbıeleý uıymdary, onyń ishinde bilim berý damytý jáne túzetý ortalyqtary (eresekter men balalarǵa arnalǵan), oqý-óndiristik kombınattardyń jáne basqa da mektepten tys uıymdar;
• sanatorıı-kýrorttyq jáne saýyqtyrý maqsatyndaǵy nysandar (sanatorııler, demalys úıleri/bazalary/aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrısik bazalar jáne basqalar);
• qoǵamdyq tamaqtaný nysandary, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn nysandar, strıt-fýdtar;
• barlyq úlgidegi medısınalyq-áleýmettik nysandar (qarttar, múgedekter úıi, sábıler úıi jáne basqalary);
• densaýlyq saqtaý uıymdary, onyń ishinde zerthanalar;
• dárihana uıymdary;
• tirshilikti qamtamasyz etý jáne komýnaldyq sharýashylyq nysandary (sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jınaý jáne qaldyqtardy shyǵarý, úı-jaılar men aýmaqtardy dezınfeksıalyq óńdeý boıynsha uıymdar, avarıalyq-qutqarý qyzmetteri, PIK jáne MIB jáne basqalary);
• ekskýrsıalyq qyzmet kórsetetin uıymdar;
• demalys nysandarynyń, oıyn-saýyq oıyn nysandary: kompúter klýbtary, bılárd zaldary, boýlıńter, oıyn-saýyq ortalyqtary/saıabaqtary, atraksıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar;
• baılanys jáne telekomýnıkasıa nysandary.