Shymkent qalasyndaǵy mańyzdy nysandardyń biri Respýblıka dańǵyly. Respýblıka dańǵyly  kólik aǵynynyń qarqyndylyǵyna baılanysty jáne qalany ózge eldi-mekendermen biriktiretindikten qalamyzdyń basty magıstraldy kósheleriniń biri bolyp tabylady.

Murat Áıtenov búgin Respýblıka dańǵylynyń boıyndaǵy trotýar salý jáne jańa aıaldamalar ornatý jumystarynyń barysymen tanysty.

Respýblıka dańǵylynyń jalpy uzyndyǵy tórt jolaqty 5,3 shaqyrymdy, al joldyń eni 28 metrdi quraıdy. Kósheniń bólý jolaǵynyń bir shetine sý qashyrǵysh qubyrlar, al ekinshi jaǵyna lotok ornatylýda jáne eni 2,25 m jaıaý júrginshi joly salynǵan. Qubyr ústinen B.Momyshuly kóshesinen jer asty ótkeline («Kolos» aıaldamasyna) deıin velojol qarastyrylǵan, asfált qubyr arqyly lotokqa baratyndaı etip tóselgen.
Respýblıka dańǵylyna jospar boıynsha 10 núktege jańa úlgidegi aıaldama qoıylady. Qazirgi ýaqytta onyń 5-i ornatylǵan.

Bul júıe buǵan deıin A.Baıtursynov kóshesinde tekserilip alynǵan. Joldyń tómeńgi túzetý qalyńdyǵy 9sm, al asfalt betonnyń betki qabaty 5sm quraıdy.

Osy jumystardy 2021 jyldyń qyrkúıek aıynda aıaqtaý josparlanyp otyr.

Shymkent qalasynyń ońtústik qaqpasyna sanalatyn bul dańǵyldyń qurylys jumystary «Korporasıa Bereke-A» JSHS-gine júktelgen jáne tehnıkalyq qadaǵalaýshy «Arman Stroı Holdıń» JSHS-gi.