Shymkent qalasynda halyqtyń ál-aýqatyn jaqsartý maqsatynda jumyssyz azamattardy jumyspen qamtý sharalaryn júıeli júrgizý basty nazarǵa alynǵan. Osyǵan oraı, Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde bıyl 21 942 adamdy jumyspen qamtý sharalaryna qatystyrý josparlandy. Al 2021 jyldyń 8 aı kórsetkishi boıynsha naqty 17 129 adam jumyspen qamtyldy.

2021 jyldyń 8 aıynda baǵdarlamanyń birinshi baǵyty aıasynda qysqa merzimdi kýrstarǵa 2500 adam jiberildi. Sondaı-aq, 2101 adam «Bastaý Bıznes» jobasy boıynsha kásipkerlik negizderge oqytýǵa jiberilse, 52 adamǵa shaǵyn nesıe, al 584 adamǵa memlekettik grant berildi. Sonymen birge, 5827 adam bos jumys oryndaryna, 299 adam áleýmettik jumys oryndaryna, 1176 adam jastar praktıkasyna, 2837 adam aqyly qoǵamdyq jumystarǵa jáne 86 jas alǵashqy jumys ornyna ornalasty.

Osyǵan oraı, aıta keterligi jumyssyz júrgen azamattardyń jumyspen qamtý baǵdarlamasy sıaqty memleket qoldaý bildirip otyrǵan atalmysh sharalarǵa qatysyp, jumys tabýyna mol múmkindikteri bar.