Shymkent qalasy aýmaǵynda jylytý maýsymyna daıyndyq sharalary qyzý júrgizilýde. Jergilikti bılik pen tótenshelikterden qurylǵan mobıldi top ókilderi qoǵamdyq kólikterge minip jolaýshylarǵa úgit nasıhat jumystaryn júrgizdi.

Turmystaǵy qaýipsizdik sharalaryn saqtaýǵa shaqyrǵan tótenshelikter túsindirme jumystaryn qalalyq qoǵamdyq kólikterde júrgizýde. Jylytý maýsymy qarsańynda bul jumystar kúsheıe túsken. Sebebi oqys oqıǵanyń aldyn alý qashanda mańyzdy deıdi mamandar.

Gazdan ıistenýdiń jáne órttiń aldyn alý maqsatynda tótenshelikter tarapynan arnaıy vıdeomaterıal daıyndalyp SHYMKENT BUS JSHS qaramaǵyndaǵy 150 avtobýstyń jáne saýda úılerinde ornalasqan led ekrandarda kórsetilýde.

Budan bólek salaǵa jaýaptylar qala aýmaǵynda áleýmettik turǵyda az qamtylǵan 40 otbasynyń úıine dabyl qaqqyshtar ornatqan. Iisti gaz shyqqan boıda dabyl qaǵylyp avtomatty túrde gaz eseptegish óshiriledi. Al qala turǵyndarynyń basym kópshiligi saqtyq sharalaryn ustanatynyn aıtyp, búldirshinderdi gaz qurylǵylaryna jolatpaıtynyn jáne murjalardy ýaqytyly tazrtyp turý mańyzdy ekenin aıtady.

Aıta keteıik aǵymdaǵy jylǵy 8 aıdyń qorytyndysy boıynsha jalpy Shymkent qalasynda 116 órt tirkelgen Byltyrǵy jylmen salysytyrǵanda 8 %-ǵa azaıǵan. Materıaldyq shyǵyn kólemi 420 mln. 655 myń teńgeni quraǵan.Qaza tapqandar joq. 2 adam jaraqat alǵan. Úı jaǵdaıynda qaýipsizdik sharalaryn saqtaýǵa shaqyrady mamandar.