Shymkentte qys maýsymyna daıyndyq jumystary qyzyp tur. Osy kezde atqarylǵan sharýalar úlken apatty aýyzdyqtaıdy. Sondyqtan jaýapty mamandar jumyla iske kirisken. Qaýiptiń aldyn alý maqsatynda tıisti sala basshylary bas biriktirip baspasóz brıfıńin uıymdastyrdy.
2020-2021 jylǵy jylý berý maýsymynda qaladaǵy turǵyn úılerde 61 órt tirkelgen. Materıaldyq shyǵyn 132 mln. teńgeni qurady. Saldarynan 2 adam qaıtys bolyp, 4 adam jaraqat alǵan. Tirkelgen órtterdiń basym bóligi elektr jabdyqtaryn montajdaý jáne paıdalaný saldarynan oryn alypty. Onyń ishinde gazdan ýlaný faktileride bar.
Ýlaný oqıǵalary turmystyq gaz qurylǵylaryn paıdalaný kezinde órt qaýipsizdigi talaptaryn buzýdan oryn alǵan. Desekte sol qurylǵylardy ornatqan jáne teksergen tıisti mekemeler jaýaptan jaltarady eken. Qurylǵynyń qaýipsizdigine qujat bergen mekemeler jaýapty sátte tasada qalady. Keıbiri turǵyn ýı ıesinen qyzmeti úshin aqsha alǵanmen tekserýge kelmeıdi eken. Osy másele búgingi tańda ózekti.
TJD qyzmetkerlerimen Halyqtyń arasynda qaýipsizdik mádenıetin qalyptastyrý maqsatynda úgit-nasıhat jumystary júrgizilýde. İs-shara barysynda gaz jáne gazben jabdyqtaý salasyndaǵy obektilerde órt qaýipsizdiginiń jaı-kúıi jáne qamtamasyz etilýi eskertiledi.
Gaz jáne gazben jabdyqtaý salasyndaǵy obektilerde ónerkásiptik qaýipsizdik jáne turmysta gazdy paıdalaný kezinde qaýipsizdik talaptarynyń saqtalýy;gazben baılanysty ýlaný jaǵdaılary týraly jáne olardyń aldyn alý sharalary; gaz tutyný júıelerine tehnıkalyq qyzmet kórsetýdi júrgizý kezinde talaptardyń saqtalýy týraly túsindirme jumystary júrgizilýde.
