Búgin «Nur Otan» partıasy Shymkent qalasy fılıaly tóraǵasynyń birinshi orynbasary Janar Bektaeva «Abadan» bastaýysh mektebiniń ashylý saltanatyna qatysty.

552 oqýshyny qamtıtyn, 2 tilde bilim beretin zaman talabyna saı jabdyqtalǵan mektepte oqýshylardy damytatyn túrli úıirmeler men qosymsha sabaqtar qarastyrylǵan.

«Nur Otan» partıasynyń «Ózgerister joly: Ár azamatqa laıyqty ómir!» atty 2021-2025 jyldarǵa arnalǵan saılaý baǵdarlamasynda Shymkent qalasy boıynsha bilim oshaqtarynyń salynýy men ondaǵy balalardyń bilim alýyna basymdyqtar berilgen.

Qalamyzdaǵy 19 úsh aýysymdy mekteptiń máselesin sheshý jolynda partıa qarqyndy jumys júrgizýde. Jekemenshik mektepterdiń kóptep ashylýy - bilim sapasyn arttyrýda oń serpin berip, mektep tapshylyǵyn joıýǵa basty qadam bolmaq. Búgin birneshe mekteptiń paıdalanýǵa berilýi naqty isterdiń kórsetkishi.

«Bilim kúni - halyqtyq mereke! Árbir adam úshin bul meıram erekshe ystyq, ári mańyzdy. Ásirese, mektep tabaldyryǵyn tuńǵysh attaıtyn búldirshinderdiń júreginde búgingi kún máńgige saqtalady. Olar úshin bul sáýleli sát qana emes, sonymen qatar jarqyn bolashaǵyna jasaıtyn mańyzdy qadam. Búgingi ashylyp otyrǵan “Abadan” bastaýysh mektebi zaman talabyna saı jańasha jumys istep, naǵyz bilimniń ordasy bolady degen oıdamyn. Osynda oqıtyn oqýshylardyń bilim deńgeıi jahandyq suranysqa saı jáne básekege qabiletti bolyp, elimizdiń órkendeýine úles qosar myqty azamattardy tárbıelerine kámil senemin!», – dedi Janar Álibekqyzy óz quttyqtaý sózinde.

Bıyl Shymkentte 203 mektep dástúrli formatta bilim berý úshin esikterin aıqara ashty. Sondaı-aq, 25,5 myń búldirshin mektep tabaldyryǵyn attap, bolashaqqa alǵashqy qadam jasady.

Árbir memlekettiń bolashaǵy, damýy bilimdi, densaýlyǵy myqty, mádenıetti azamattaryna baılanysty. Sondyqtan bilim sapasyn kóterý – partıanyń basty nazarynda.