Shymkent qalasynda tirek-qımyl apparaty zaqymdanǵan jáne kórý qabileti nashar sportshylar arasynda elimizdiń VI Spartakıadasy bastaldy. Baıraqty báseke 5 sport túrinen – doıby, shahmat, toǵyzqumalaq, karate jáne arbada bıleý syndy baǵdarlama boıynsha ótedi.

Dúbirli dodadaelimizdiń barlyq óńirinen jınalǵan 300-den astam sportshy baqtaryn synaýda. Arbada bıleý saıysyna álemdik arenada óner kórsetip júrgen sport sańlaqtary qatysýda. Basty maqsat taǵdyrdyń tálkegine túsip arbaǵa tańylǵan jandardy qoldap, salaýatty ómir saltyn ustanýǵa shaqyrý deıdi uıymdastyrýshylar.

Jerlesimiz Ermek Qalymbetovtiń osy sport túrimen aınalysyp júrgenine 6 jyl bolǵan. Sport sheberi2016 jylǵy azıa chempıony, 2019 jyly Germanıada ótken álem chempıonatynyń qola júldegeri jáne aǵymdaǵy jyly Italıada ótken álem kýbogynyń qola júldegeri. Seriktesimen birge aldaǵy Ońtústik Koreıada bolatyn álem chempıonatyna joldamanyń ıegeri. Bul spartakıadanyń sportshylary úshin orny bólek ekenin aıtady. Qandaı saıys bolmasyn Ońtústik óńiriniń atyn shyǵaryp júrý basty maqsatymyz deıdi.

Bul sport túri elimzde alǵash ret 2009 jyly qurylǵan. Sportshylar túrli álemdik saıystarǵa qatysyp júldeli oryndarǵa ıe bolýda. Búginde Qazaq eli parabıden álemdik retıngte 3 orynda ornalasqan. Aıta keteıik, 21 qyrkúıek kúni barlyq sport túri boıynsha irikteý básekeleri bastaý alǵan bolatyn. Jeńimpazdar men júldegerler 25 qyrkúıek kúni anyqtalady.