Búgin «Nur Otan» partıasy Shymkent qalalyq fılıaly janyndaǵy Ult densaýlyǵy máseleleri jónindegi keńes otyrysy ótti. Jıyndy «Nur Otan» partıasy Shymkent qalalyq fılıaly tóraǵasynyń orynbasary Qalmuratov Muratáli júrgizdi.

Kún tártibinde densaýlyq saqtaý salasynda «Nur Otan» partıasynyń «Ózgerister joly: ár azamatqa laıyqty ómir!» atty saılaýaldy baǵdarlamasyn iske asyrý jónindegi Jol kartasynyń aǵymdaǵy jyldyń 8-aıynda oryndalýy jáne qoǵamdyq keńestiń aldyńǵy otyrysyndaǵy usynystardyń oryndalýy, Jol kartasynda belgilengen «Metalýrg» stadıonyn jáne metalýrgter parkin qaıta qurý jumystarynyń barysy máseleleri boldy.

Alǵashqy másele boıynsha partıa janyndaǵy Ult densaýlyǵy máseleleri jónindegi keńestiń tóraǵasy Esenbek Serkebaevtyń baıandamasy tyńdaldy.

Esepti merzim ishinde qoǵamdyq keńes aǵymdaǵy jyldyń mamyr aıynda qaladaǵy №1 qalalyq emhana, «Ana men bala» ońaltý ortalyǵy, №2 qalalyq aýrýhanasy men qalalyq perzenthana ortalyqtarynda kóshpeli is-shara ótkizip, birneshe kemshilikterdi anyqtaǵan. Kóshpeli is-shara kezinde qoǵamdyq keńes tarapynan ekpe salý ýchaskelerine beınebaqylaý kameralaryn ornatý jóninde usynystar aıtylǵan. Nátıjesinde, atalǵan medısınalyq nysandardyń ekeýinde oryn alǵan kemshilikter tolyǵymen joıylǵan. Al, ekpe egý ýchaskelerine beınebaqylaý kameralaryn ornatý týraly usynys boıynsha shildede respýblıkada alǵash bolyp Shymkenttegi ekpe egý beketterine beınebaqylaý kameralary ornatylǵan.

Kún tártibindegi kezekti másele boıynsha Shymkent qalasy Dene shynyqtyrý jáne sport basqarmasy basshysynyń orynbasary Ermek Dármenov sóz aldy. Ol «Metalýrg» stadıonyn pıadalanýǵa berý 2022 jylǵa josparlanǵanyn, qazirgi tańda nysandaǵy qurylys jumystary belgilengen kestege sáıkes júrgizilip, tıisti jumystar 70 %-ǵa oryndalǵanyn atap ótti.