Pavlodar oblysynyń turǵyny 17 jasar balasyn kolejge oqýǵa jibermeı, aqsha tabýǵa májbúrlegen. 

Pavlodar oblysy Ýspen aýdanynyń polısıasyna kolej basshylyǵynan stýdentterdiń biri 2 aıǵa jýyq sebepsiz sabaqqa qatyspaǵany týraly ótinish túskennen keıin jaǵdaı jarıa etildi.

– İstiń barlyq mán-jaılaryn qaraý úshin biz atalǵan stýdentti, sondaı-aq Pavlodar oblysynyń Aqsý qalasynda turatyn onyń anasyn anyqtadyq, – dedi Ýspen aýdanynyń ıývenaldyq polısıa aǵa ınspektory Damıra Býkaeva.

17 jastaǵy jasóspirimniń anasynyń aıtýynsha, bala sharýa qojalyqtarynyń birinde kókónis jınaý úshin jumys istegendikten sabaqqa qatyspaǵan jáne sabaqqa barýǵa ýaqyty bolmaǵan.

– Kámeletke tolmaǵan balany tárbıeleý jáne bilim berý boıynsha mindetterin oryndamaǵany úshin ata-ana Ákimshilik quqyq buzýshylyq 127-babynyń 1-bóligi (Kámeletke tolmaǵandar jasaǵan nemese kámeletke tolmaǵandarǵa qatysty quqyqqa qarsy is-áreketter týraly habarlamaý) boıynsha, ákimshilik jaýapkershilikke tartyldy, – dedi Pavlodar oblysy polısıa departamenti.

Otbasynyń oqý ornynan qujattardy alyp ketetini atap ótildi, óıtkeni jasóspirim jıenine qaraý kerek. Memlekettik organdar bul jaǵdaıda otbasyna kómektesýge daıyn ba, joq pa áli habarlanǵan joq.

Bul jalǵyz jaǵdaı emes. Pavlodar polıseıleri 2021 jyly kámeletke tolmaǵan balalardy tıisinshe tárbıelemegeni úshin 382 zańdy ókildi ákimshilik jaýapkershilikke tartty.