Májilis depýtaty Jambyl Ahmetbekov Birikken Arab Ámirlikterimen ınvestısıalyq yntymaqtastyqty damytý bizdiń elimizge tıimdi ekenin aıtty. Óıtkeni, ol jańa kásiporyndardyń ashylýyna, ozyq tehnologıalardy engizýge jáne jańa jumys oryndaryn qurýǵa yqpal etpek.

Depýtattyń aıtýynsha, ınvestısıalar shıkizat salalaryna salynbaıdy. Atap aıtqanda, elimizde jańartylatyn energetıkany damytýmen aınalysatyn energetıkalyq holdıń qurý kózdelip otyr.

J. Ahmetbekov atap ótkendeı, búkil álemde «jasyl ótkel» dep atalatyn jáne ekologıanyń jaı-kúıine alańdaıtyn elder jańartylatyn otyn úshin kómirsýtekterden bas tartýda. Kún, jel elektr stansıalarynyń kóbeıýi bizdiń eldiń básekelestik artyqshylyǵy bola alady.

- Jalpy, bul ınvestısıalyq kelisim otandyq bıznesti damytý úshin jaǵdaıdy aıtarlyqtaı jaqsartady jáne Qazaqstannyń ınvestısıalyq tartymdylyǵyn arttyrady dep aıtýǵa bolady, - dedi depýtat.