Jambyl oblysy Asa aýylynda gaz óńdeý zaýytynda órt shyqty, dep habarlady Jambyl oblysy TJD baspasóz qyzmeti.
"Jambyl oblysy Jambyl aýdany Asa aýylynda "Amangeldi GÓZ" JSHS-niń Tarazdaǵy bólimshesi (gaz óńdeý zaýyty) aýmaǵynda órt shyqty. Jalpy kólemi 480 tekshe metr dızel otyny bar eki sısterna janyp ketti. Tótenshe jaǵdaılar departamentiniń jedel qyzmetine shaqyrtý saǵat 12.04-te kelip tústi, delingen habarlamada.
Órt saǵat 13.05-te oqshaýlanyp, 13.17-de sóndirilgen. Zardap shekkender men qaza bolǵandar týraly málimet joq.
Órtti sóndirýge 21 tehnıka men 75 adam jumyldyrylǵan. Ottyń neden tutanǵany ázirge belgisiz.
Pikir qaldyrý