Rımdegi G20 otyrysy kezinde AQSH prezıdenti Djo Baıden Túrkıa prezıdenti Rejep Taıyp Erdoǵanmen kelissózder júrgizdi. Memleket basshylary eki el arasyndaǵy qorǵanys pen adam quqyǵy máselelerine qatysty shıelenis jaǵdaıynda kezdesti, dep habarlady Ál-Jazıra telearnasy.

AQSH Túrkıanyń Reseıden zymyranǵa qarsy qorǵanys júıelerin satyp alǵanyn aıtyp, F-16 joıǵysh ushaqtary saýdasyna narazylyq bildirdi. Baıden eki el arasyndaǵy kelispeýshilikterdi tıimdi sheshýdi qalaıtynyn jetkizdi.

Buǵan deıin Erdoǵan AQSH-tyń Túrkıadaǵy elshisin jáne basqa da sheteldik ókilderdi elden shyǵaratynyn málimdegen.

AQSH ákimshiligi túrik tarapynyń bul áreketteri paıdasyz ekenin aıta otyryp, Túrkıadan túrmedegi fılantrop Osman Kavalany bosatýdy talap etedi.

Keıinirek Erdoǵan elshilerdi shyǵaryp jiberemin degen oıynan qaıtty. Túrkıa prezıdentiniń keńsesi kezdesýdiń "pozıtıvti atmosferada ótkenin" habarlady.

"Eki kóshbasshy Túrkıa-AQSH qarym-qatynastaryn odan ári nyǵaıtýǵa ortaq ustanymdaryn bildirdi jáne bul úshin ortaq mehanızm qurýǵa kelisti. Eki taraptyń ózara kelisilgen maqsattarǵa sáıkes ekijaqty saýda kólemin ulǵaıtý boıynsha ortaq perspektıvalaryna sáıkes kelissózder júrgizýden basqa, olar NATO alánsy men strategıalyq seriktestiktiń mańyzdylyǵyn atap ótti" delingen habarlamada.