Qarataý aýdany ákimi apparaty Tótenshe jaǵdaılar basqarmasymen birge aýdan aýmaǵyndaǵy eldi mekenderde jylytý maýsymy kezindegi qaýipsizdik erejelerin saqtaý boıynsha túsindirý jumystaryn jalǵastyrýda. Kezekti túsindirý sharalary barysynda turǵyndarǵa, kásipkerlik nysan ıelerine mamandar tarapynan tótenshe jaǵdaıdyń aldyn alýǵa baǵyttalǵan qaýipsizdik sharalarynan maǵlumattar berildi. Sonymen birge, úgit-nasıhat jumysynyń barysynda turǵyndarǵa gazben ýlaný taqyrybyndaǵy arnaıy jadynamalar taratyldy.

Ýly gazdan ýlanýdyń belgileri

Ýly gaz paıdalanylǵan gazdyń ýly bóligi. Kóp jaǵdaıda ýly gazdan ýlaný kómirmen nemese gazben jaǵylatyn peshterdi nemese qazandyqtardy durys paıdalanbaýdan týyndaıdy.

Adamǵa der kezinde kómek kórsetý úshin mundaı ýlanýdyń negizgi belgilerinen habardar bolý qajet. Ýly gaz ıissiz bolatyndyqtan, tynys alý aýasynyń quramynda0,08%kómirqyshqyl gazy aralasqan kezde adamnyń basy aýyryp, tunshyǵý belgileri sezilip, ýlanýy múmkin. Kómirqyshqyl gazynyń konsentrasıasy 0,32% deıin joǵarylaǵan kezde sal aýrýynyń belgileri baıqalyp, esinen taný jaǵdaılary bolady (ólim 30 mınýttan keıin keledi).

Konsentrasıa1,2% asqanda 2-3 tynys alýdan keıin adam esinen tanyp, keminde 3 mınýttan keıin ólimge ákeledi.

Ýly gazdan ýlaný kezindegi kómek

Mundaı jaǵdaıda zardar shegýshige dárigerge deıin kómektiń durys kórsetilýi óte mańyzdy. Ol úshin aldymen ýlanǵan adamdy taza aýaǵa shyǵaryp, aıaǵyn sál kóterińki kúıde jatqyzyp, denesin tar kıimnen bosatyp, músátir spırtin ıisketińiz. Eger adam esin bilip jatyrsa oǵan tynyshtyq jáne úzilissiz ottegi qajet, mysaly gazetpen jelpýge nemese jeldetkish qosýǵa bolady. Al zardap shegýshi dem almaı jatyrsa, aldymen tynys alý joldaryn tazalap alyp jasandy dem berý qajet. Jáne de árıne «Jedel járdem» qyzmetin shaqyryńyz. Ondaı múmkindik bolmaǵan jaǵdaıda ómirlik mańyzdy fýnksıalary qalypqa kelgennen soń zardap shegýshini emdeý mekemesine jetkizýge tyrysyńyz.

Esińizde bolsyn, ýlanǵan adamdy qaýipti gaz konsentrasıasy bar jerden alyp shyǵý kezinde ózińiz birge ýlanyp qalmas úshin birinshi kezekte óz qaýipsizdigińizdi qamtamasyz etý qajet. Ol úshin tez áreket etip, qol oramaly nemese dáke arqyly tynysh alý kerek.

Ýly gazdan ýlanýdyń aldyn alý

Rasynda, qarapaıym qaýipsizdik sharalaryn barlyǵy da biledi. Degenmen, ýlaný oryn alýda. Demek, keıbir adamdar úshin jattandy ári barshaǵa málim qaǵıdalardy qaıtalaýǵa týra keledi:

- tek jaramdy jabdyqtardy qoldanyńyz. Pesh qalaýlaryndaǵy jaryqtar, tazalanbaǵan tútin turbasy sol sıaqty «usaq-túıekter» aýyr zardaptarǵa ákelýi múmkin.

- peshter men kamınderdi qaǵıdalarǵa sáıkes qoldanyńyz. Jeldetý júıesiniń jumysyna júıeli túrde tekserý júrgizip, tútin turbalaryn ýaqytyly tazalańyz, peshter men kamınderdi qalaýda tek kásipqoı mamandarǵa júginińiz.

- avtokólik ıeleri, kólikjaıda (garajda) qozǵaltqysh bóligin qosýly kúıde jumys jasamańyz.

Qurmetti azamattar!

Joǵaryda aıtylǵan erejelerdi saqtaǵan jaǵdaıda, Siz tunshyqtyrǵysh gazben ýlanýdyń qurbany bolmaýyna ákeledi.