Shymkent qalasynyń jumyspen qamtý jáne áleýmettik qorǵaý basqarmasy tarapynan áleýmettik qoldaý kórsetý sanatyndaǵy azamattarǵa shıpajaılarǵa tegin jáne jeńildikpen joldamalar beriledi.
Búginde 4126 joldama zeınetkerlerge shıpajaıda em qabyldaýy úshin berildi.
Bıyl kezekte turǵan zeınet jasyndaǵy azamattardy Shymkent qalasynyń "Densaýlyq" shıpajaıyna, Túlkibas aýdanynyń "Aqsý-Jabaǵyly" jáne Taraz qalasynyń "Aısha bıbi" shıpajaılaryna jiberilýde. Shıpajaıdan em alyp kelgen shymkenttik zeınetkerlerdiń aıtýynsha «Aısha bıbi» shıpajaıynyń saz balshyqpen emdeý túri kópshiliktiń kóńilinen shyǵýda.
Qalalyq jumyspen qamtý jáne áleýmettik qorǵaý basqarmasy ardagerlermen jumys jónindegi bólimniń málimetinshe, sanatorıalyq-kýrorttyq emdeý Uly Otan soǵysynyń qatysýshylaryna jáne olarǵa teńestirilgen tulǵalarǵa, zeınetkerlik jastaǵy "Altyn alqa", "Kúmis alqa" ıegerlerine tegin beriledi. Al, zeınetkerlerge joldama qunynyń 50 paıyzyn tóleýmen beriledi.
Shıpajaılarǵa joldama berilý jumystary memlekettik tapsyrys sheńberinde júzege asyrylady. Joldama alý úshin Báıterekov kóshesi, 89 meken-jaıy boıynsha qalalyq jumyspen qamtý jáne áleýmettik qorǵaý basqarmasyna ótinish qaldyrý qajet. Joldama kezek boıynsha beriledi. Kezekke turý úshin jeke kýálik jáne 068 nysanyndaǵy anyqtama qajet.
