Shymkent qalasynyń Abaı aýdanynda Múlik ıeleriniń birlestigi (MIB) jáne Jaı seriktestik (JS) qurý boıynsha tıisti jumystar atqarylýda. Aýdanda 453 kópqabatty turǵyn úı bar. Onyń 374-i ádilet basqarmasynda tirkelgen kondomınıým nysany sanalady.
Búgingi tańǵa deıin aýdan ákimshiliginiń uıymdastyrýymen MIB jáne JS qurýdyń tıimdiligin túsindirý boıynsha turǵyndarmen 574 jınalys uıymdastyryldy. Búginde 402 kópqabatty turǵyn úıdiń kelisim hattamasy jasalyp, turǵyn úı kólemine shaqqanda 93,6 % jetti. Onyń ishinde, 317 kópqabatty turǵyn úıde jaı seriktestik, 58-inde múlik ıeleriniń birlestigi qurylyp, qalalyq ádilet departamentinde tirkeldi. Ótken aptada aýdandaǵy páter ıelerimen 21 jınalys ótkizilip, 12 úı JS basqarýyna ótti. Tıisti hattamalar túzildi.
Eńbekshi aýdanyna kelsek, 630 kópqabatty turǵyn úıdiń 16-sy MIB, 403-i JS boıynsha kelisimderi alynyp, 42 bas tartý hattamalary jınaqtaldy. Sonymen qatar, jalpy 520 úıge túsindirý jumystary júrgizildi. Bıylǵy jyldyń 21 qazany men 11 qarashasy aralyǵynda Eńbekshi aýdany ákimi apparaty mamandarynyń tarapynan 85 kópqabatty turǵyn úıge jańa basqarý júıesiniń tıimdiligi túsindirilip, qol jınaý úshin turǵyndarǵa hattamalar berildi.
Qazirgi tańda, Qarataý aýdany aýmaǵynda MIB jáne JS-ni túsindirý boıynsha turǵyndarmen 91 kezdesý, 20 onlaın jınalys uıymdastyryldy. Aýdan boıynsha 10 MIB jáne 297 JS quryldy. Sonymen qatar, túsindirme jumystary nátıjesinde qalǵan kópqabatty úılerden hattamalar jınalýda.
Búgingi tańǵa deıin Ál-Farabı aýdany ákimshiliginiń uıymdastyrýymen kópqabatty úılerde basqarýdyń jańa nysanyna kóshý boıynsha turǵyndarmen 521 jınalys ótkizildi. Sonyń arqasynda 53 kópqabatty turǵyn úı MIB-ke kóship, qalalyq ádilet departamentinde tirkeýge alyndy. Sondaı-aq, 295 turǵyn úı jaı seriktestikke birikti. Qosymsha múlik ıeleriniń birlestigin qurý boıynsha 33 kópqabatty turǵyn úıdiń kelisim hattamasy jınaqtalýda.
Á.NURJİGİTULY
