Shymkent qalasy jolaýshylar kóligi jáne avtomobıl joldary basqaramasynyń málimetinshe, 370 786 tólem karta satylǵan jáne 85 paıyzdan astam tranzaksıa elektrondy karta boıynsha jasalynǵan. Onyń ishinde 106 100 oqýshylar kartasy, 30 686 stýdenttik karta jáne 234 000 standartty karta satylǵan.

Qoǵamdyq kólik sqemasyn jańasha baǵytta damytý maqsatynda, avtobýs parki «Yutong» markaly 300 jańa metan gazymen júretin avtobýstarmen tolyǵyp, jyl sońyna deıin 290 jańa avtobýs jolaýshylarǵa qyzmet etedi.

Sonymen qatar, turǵyndarǵa turaqty qyzmet kórsetýdi júıelendirý maqsatynda, avtobýs baǵyttaryn onlaın rejımde kórýge arnalǵan «I-kolik» mobıldik qosymshasy paıdalanýǵa berilip, qazirgi tańda 82 000 adam atalmysh baǵdarlamany qoldanýda.

Aıta keteıik, qarasha aıynyń sońyna deıin «SHYMKENT BUS» tasymaldaýshy kompanıasy tarapynan 40 «Yutong» markaly avtobýs áleýmettik baǵytta qyzmet kórsetetin bolady.

Shymkent qalasynyń Aqparattyq-kommýnıkasıalyq ortalyǵy