31 qazan, jeksenbi kúni oblys ákimi Ońdasyn Orazalın jumys babymen Muǵaljar aýdanynda bolyp, sol jaqtyń áleýmettik-ekonomıkalyq damýymen, memlekettik baǵdarlamalardyń júzege asyrylýymen tanysty. Eki aýyldaǵy gazdy iske qosý rásimine qatysty.
Jumys sapary Aqkemer aýylynyń kúrdeli jóndelgen kire beris jolyn qaraýdan bastaldy. Jumysty «Aqtóbe adal qurylys» JSHS merdiger mekemesi kúzdiń basynda aıaqtaǵan. Barlyǵy 1,1 shaqyrym avtokólik jolynyń tósemi jańartyldy. Joba "Nur Otan" partıasynyń saılaýaldy baǵdarlamasyn oryndaý boıynsha jol kartasy aıasynda júzege asyrylǵan.
Elek aýylynda óńir basshysy gaz qubyryn iske qosý rásimine qatysty. Memleket aýyl turǵyndaryn gazben qamtýǵa 229 mln teńgeden astam qarajat bóldi. 4,7 shaqyrym gaz qubyry tóseldi. Bul da "Nur Otan" partıasynyń saılaýaldy baǵdarlamasy boıynsha júzege asyrylǵan jobalardyń biri. Elek aýylynda barlyǵy 106 úı men úsh áleýmettik nysan bar. Budan bólek, kezekte turǵandarǵa jeke turǵyn úı salýǵa berý úshin 208 jer telimi daıyndalǵan.
«Men osy aýylda týdym jáne ómir boıy osynda turyp kelem. Gazdy 54 jyl kúttim. Bul jańalyq biz úshin úlken qýanysh boldy. Úı tirligi kishkene azaıdy. Bul sondaı-aq, biraz únem, men qysqa kómir men aǵash satyp alý úshin jylda 200 myń teńgedeı jumsadym», - deıdi aýyl turǵyny Nurjamal Ybyrasheva.
Oblys ákimi: «Gaz – biz eń birinshi kelgen kezde Elek turǵyndarynyń aıtqan negizgi ótinishi bolatyn. Bıyl osy jobany júzege asyrýǵa múmkindik týdy. 208 jer telimi jańa úıler salýǵa daıyndalyp jatyr. Eldi mekenderińizdiń keleshegi zor. Gaz bar, elektr bar, úlken magıstraldi joldyń boıynda ornalasqan. Aýyldyń ári qaraı damýy sizderge de - turǵyndarǵa da, ıaǵnı sizderdiń eńbekqorlyqtaryńyz ben birlikterńizge baılanysty», - dep atap ótti.
Sonymen birge, óńir basshysy áleýmettik nysandardy, eń aldymen mektepterdi gaz qubyryna tez qosýdy tapsyrdy.
Qyzmettik sapar Qandyaǵashta jalǵasyp, Ońdasyn Orazalın byltyr «Jumyspen qamtýdyń jol kartasy» memlekettik baǵdarlamasy arqyly kúrdeli jóndelgen ortalyq stadıonnyń qyzmetimen tanysty.
Stadıonda 500 adamǵa arnalǵan minber men 25 metrlik myltyq atatyn tır bar. Munda fýtboldan, shahmat pen paýerlıftıngten, dzúdo, sambo jáne qazaqsha kúresten oqý- jattyǵýlar ótedi.
Osy jyly Qandyaǵashta bıznestiń áleýmettik jaýapkershiligi aıasynda tórt kópqabatty úıdiń qasbeti jańartyldy. Jumystyń demeýshisi - «Kentavr» JSHS.
«Kentavr» JSHS-ne barlyǵy 30 mln. teńge bólindi. Qarajattyń bir bóligi qasbetterdi syrlaýmen qatar kóktemde erigen sýdyń tasý qaýpi tónip turǵan kóshelerge aryq salýǵa jumsaldy. Budan ózge, osy jyly qalada jalpy quny 37 mln teńge bolatyn jaıaýjol salynyp, birneshe aýla jaryqtandyryldy. «Nurly kósh» degen úlken shaǵyn aýdan ashqaly jatyrmyz. Jyl sońyna deıin ınfraqurylym júrgizip, keıin 135 jer telimin berýdi josparlap otyrmyz», - dedi aýdan ortalyǵyn damytý boıynsha josparlary jaıynda baıandaǵan Qandyaǵash qalasynyń ákimi Talǵat Ótemuratov.
Óńir basshysy saıabaqtardy, gúl baqtary men basqa da qoǵamdyq keńistikterdi retke keltirýge, kópqabatty úılerdi jóndeýge jáne kóshelerdi túngi jaryqpen qamtýǵa kóbirek kóńil bólýdi tapsyrdy.
Oblys ákimi sondaı-aq, dene shynyqtyrý - oıyn-saýyq kesheniniń qurylys barysymen tanysty. Munda kelýshilerge oıyn, kúres jáne jattyǵý zaldarynan bólek, úlken baseın bolady. Nysandy keler jyly naýryz aıynda paıdalanýǵa berý josparlanyp otyr. Ońdasyn Orazalın birneshe óndiris nysanyna bardy. Olardyń qatarynda «Neohım» JSHS-niń gaz-beton qurylysyna arnalǵan buıymdar shyǵaratyn zaýyty bar. Bıyl zaýyt 2 mlrd teńgege qaıta qalpyna keltirildi. Munda jylyna 110 m3-ge deıin qabyrǵa bloktary men keýek gaz-betondary shyǵarady. Negizgi problema – bilikti ári tar beıindi mamandar jetispeıdi. Bul suraq qazirgi tańda jergilikti kolejben birge sheshilýde.
«Qarapaıym zattar ekonomıkasy» baǵdarlamasy boıynsha kórsetilgen qarjylaı qoldaý «KazTermoGrýpp» JSHS-niń bazalt mıneraldy maqtasyn shyǵaratyn zaýytqa jan bitirýge múmkindik berdi. Bıyl mamyr aıynda jasalǵan qalpyna keltirý jumystarynyń quny 1,9 mlrd. teńge. Nátıjesinde bes jyl turyp qalǵan óndiris iske qosylyp, 230 adam jumyspen qamtyldy. Kásiporynnyń jyldyq óndiristik qýattylyǵy – 30 myń tonna bazalt mıneraldy maqtasy. Ónim ishki naryqqa jetkiziledi, sonymen qatar, Reseı men Ózbekstanǵa eksporttalady.
Sol kúni Muǵaljar aýdanynda taǵy bir aýylǵa gaz kirdi. Juryn aýylyndaǵy jobany júzege asyrýǵa 108 mln teńge bólingen. 1330 adam turatyn 292 tútin, sonymen qatar, alty áleýmettik nysan gazben qamtylmaq.
«Juryn aýylynda byltyr úsh kósheniń jolyna asfált tóselgen edi. Bul baǵyttaǵy jumystar jalǵasatyn bolady. Balalar las jerdi baspasyn dep mektepke jaıaýjol salamyz. Aýdan ákimi jergilikti mektep ǵımaratyn qalpyna keltirý qajettigin jetkizdi. Bul joba qoldaý tabady. Óıtkeni, aýyl ósip keledi, buryn kóship ketkender qaıtyp kelip, úı salyp jatyr. Sondyqtan bala da kóp bolady», - dedi aýyl turǵyndarymen tildesken oblys ákimi.
«Bizde endi gaz bolatynyna óte qýanyshtymyz. Osyny kóp kúttik. Bul denimizdiń armanymyz. Memleket pen oblystyń basshylaryna qoldaýlary úshin alǵys aıtamyz»,- dedi aýyl turǵyndary atynan sóz alǵan Sálıma Óteýlına.
Embi qalasynda Ońdasyn Orazalın "Nur Otan" partıasynyń saılaýaldy baǵdarlamasyn oryndaý boıynsha jol kartasynyń aıasynda kúrdeli jóndelgen S.Tilepbergenova atyndaǵy kósheni qarap shyqty.
Óńir basshysy Embi qalasynyń ári qaraıǵy damýynyń jospary týraly baıandamany tyńdady. Qazirgi tańda Embide 320 orynǵa arnalǵan jańa mekteptiń qurylysy júrip jatyr, jyl sońyna deıin qalanyń barlyq kóshesi jaryqtandyrylady, osy maqsatta 32 kóshede jaryqtandyrý jelilerin salý jumystary bastaldy. Sondaı-aq, joldardy salý jáne jóndeý jumystary jalǵasady.
Oblys ákimi Embi qalasyndaǵy 45 páterlik bes qabatty úıdiń berilýine qatysty. Sosyn kóp jyldar boıy qaraýsyz qalǵan 90 páterli bes qabatty úıde júrip jatqan jóndeý jumystarynyń barysyn qarap shyqty.
Páterler kúrdeli jóndeýden keıin jergilikti atqarýshy organda kezekte turǵandarǵa beriletin bolady.
Budan bólek, Ońdasyn Orazalın Samruk-Kazyna Trust áleýmettik jobalardy damytý qorynyń demeýshilik qarajatyna salynǵan sport keshenin qarady. Qurylys quny 228 mln teńgeden asady. Joba «Meniń elim» áleýmettik ınvestısıalar baǵdarlamasy aıasynda júzege asyrylǵan. Munda dzúdo seksıalary, kúres, boks, ústel tenısi, volleıbol, basketbol men fýtbol túrleriniń barlyǵy jumys jasaıtyn bolady. Keıin Embide káriz aǵynyn bıotazartatyn, qýattylyǵy 3 myń m3 bolatyn kópten kútken keshen iske qosyldy. Qalaǵa kóp jyldar boıy tazartý ımarattary qajet boldy.
Búginde Embide 12 myńnan asa adam turady. Bul osyndaı aýyldarǵa qaraǵanda anaǵurlym kóbirek. Keshen Muǵaljar aýdanynyń ekolgıasyn saqtaýǵa edáýir úles qosady. Joba quny mıllıardtan asady. Joba Nur Otan partıasynyń saılaýaldy baǵdarlamasyn oryndaý boıynsha jol kartasynyń aıasynda júzege asyrylǵan.
Jumys sapary Jaǵabulaq aýylynda aıaqtaldy. Onda óńir basshysy Batpaqkól aýyldyq okrýginiń damý keleshegi týraly baıandamany tyńdap, bıyl «Aýyl – El besigi» baǵdarlamasy aıasynda jóndelgen aýyl ishindegi bes kósheni qarady jáne angar tıptes sport kesheniniń qurylys barysyn qarap shyqty, onyń qurylysy kelesi jyly sáýir aıynda aıaqtalady dep josparlanyp otyr.
Jumys saparynyń qorytyndysynda oblys ákimi aýdan basshylyǵyna ári qaraıǵy áleýmettik-ekonomıkalyq damytý, halyqtyń ál-aýqatyn jaqsartý, memlekettik baǵdarlamalardy júzege asyrý jóninde birqatar tapsyrmalar berdi.
Aqtóbe oblysy ákiminiń baspasóz qyzmeti
