Kegende tuńǵysh prezıdent kúni atalyp ótildi

/image/2021/12/10/crop-16_194_589x1047_262972375_959444278002081_6513185410345721418_n.jpg
1 jeltoqsan-Tuńǵysh Prezıdent kúni Kegen aýdanynda keń kólemde atalyp ótti. Aıtýly sharada Kegen aýdandyq «Nur Otan» partıasy fılıalynyń tóraǵasynyń birinshi orynbasary A. Nuǵyman Elbasynyń sarabdal saıasaty, elimizdiń órkendeýi turǵysynda baıandama jasady.
 
Eliniń amanatyn arqalaǵan Tuńǵysh Prezıdent kúninde aýdan ákimi Talǵat Eskendiruly aýdan turǵyndaryn mártebeli merekemen quttyqtady.
 
Bıylǵy merekeni Táýelsizdigimizdiń mereıli 30 jyldyǵy merekesiniń aldynda qarsy alyp otyrmyz. Sanaýly kúnderden keıin memleketimizdiń qurylǵanyna 30 jyl tolady. Jeltoqsan aıynyń birinshi juldyzy jyl saıyn atalyp ótiletin memlekettik meıram. 1991 jyldyń 1 jeltoqsanynda elimizde ótkizilgen búkil halyqtyq saılaýdyń nátıjesinde alǵash ret Nursultan Ábishuly Nazarbaev Qazaqstan Respýblıkasynyń Prezıdenti bolyp saılandy. 2011 jyldyń 10 jeltoqsanynda QR Parlamenti Senaty depýtattarynyń bastamasymen «Qazaqstan Respýblıkasyndaǵy merekeler týraly» QR Zańyna tolyqtyrýlar engizildi. Sodan beri 1 jeltoqsan Qazaqstan Respýlıkasynyń Tuńǵysh Prezıdenti kúni bolyp belgilenip, atalyp ótip keledi.
 
Bul merekeniń orny bólek. Qazaq qazaq bolǵaly óz aldyna egemen el bolýdy ańsady. Óz eli óz jerinde ultynan shyqqan bir azamattyń Prezıdent bolýyn qalady. Sol ańsaǵan kún, ańsaǵan baq bizdiń basymyzǵa qondy. Memleketimizdiń basshysy Qasym-Jomart Toqaev bıylǵy halqymyzǵa arnaǵan Joldaýynda «Qazaqstan Tuńǵysh Prezıdentimiz – Elbasynyń dara saıasatynyń arqasynda tabysty el retinde búkil álemge tanymal boldy»,- dep aýdan basshysy Elbasynyń Qazaqstan tarıhynda alatyn erekshe orny men onyń sarabdal saıasaty arqyly memleketimizdiń qol jetkizgen jetistikterin basa aıtyp, merekelik sharada aýdanymyzdyń áleýmettik-ekonomıkalyq damýyna úles qosqan sala qyzmetkerlerleri men ardagerlerge merekelik marapattar tabys etti.
 
Sonymen birge aýdandyq Analar Keńesiniń tóraıymy B.Kóneeva, S. Serkebaev atyndaǵy orta mektep-gımnazıasynyń aǵylshyn tili pániniń muǵalimi A. Qyzaıbaı aýdan jastarynyń atynan júrek jardy lebizderin jetkizdi.
 
Merekelik keshi sońy aýdandyq mádenıet úıiniń kórkemónerpazdarynyń án keshine ulasty.

Pikir qaldyrý

Qatysty Maqalalar