Jelide jeldeı esken mobıldi aýdarymdarǵa qatysty aqpar buqara arasynda daý týǵyzýda. Tipti qolma-qol aqshamen esep aıyrysýǵa kóshkenderde joq emes. Eldi daýryqtyrǵan jańalyqqa «Jetisy Media» alańynda Almaty oblysy boıynsha memlekettik kirister departamentiniń ókilderi túsinik berdi.
Áńgimeniń álqısasy, salyq zańnamasyna mobıldi aýdarymdardy paıdalanýǵa qatysty engizilgen ózgertýler, jeke tulǵalardyń jeke aýdarymdaryn kásipkerlik maqsatta júzege asyrylatyn mobıldi tólemderden bólýge arnalǵandyǵyn aıshyqtaýdan bastaldy. Iaǵnı, jańa ereje sıfrlyq keńistikte bıznesti damytýdy kózdeıdi.
«Olar bıznes qaýymdastyqpen jáne banktermen birneshe ret talqylandy.Bul bastamalardyń maqsaty, qolma-qol aqshaǵa kóshýdi múldem kózdemeıtinin eskerińiz. Munymen qosa, barlyq málimetter memlekettik kiris organdaryna beriledi eken degen aqparat ta negizsiz. Alańdaýǵa eshqandaı negiz joq. 2022 jyldan bastap bankterden tek kásipkerlik shottaryna túsken tólemder týraly aqparat alý josparlanýda. Sondyqtan, jeke aýdarymdarǵa salyq salynbaıdy»,-dep atap ótti Almaty oblysy boıynsha memlekettik kirister Departamenti basshysynyń orynbasary Almat Kalıev.
Mamandar, jeke kásipker bolsańyz, salyq salý boıynsha ózińizge yńǵaıly rejımdi tańdaýǵa bolatyndyǵyn tilge tıek etti.
«Men bir mysal keltire keteıin, taksı júrgizýshileri patent negizinde arnaıy salyq rejımin qoldana alady. Bul rejım tabysy jylyna 10 mıllıon 300 myń teńgeden aspaıtyn jaǵdaıda ǵana qoldanylady»,-dedi Kameraldyq baqylaý monıtorıńi basqarmasynyń bas mamany Áýelhan Alısherov.
Kásip ıeleriniń kasalyq apparatty qoldanýyna keler bolsaq, kásipker onlaın kasanyń mobıldi nusqasyn júktep alyp, zańdy túrde paıdalana alady. Al salyq eseptiligi e-Salyq Business qosymshasyn engizý arqyly avtomatty túrde jasalady. Bul sharalardyń barlyǵy bıznesti júrgizýdi odan ári jeńildetýge baǵyttalǵandyǵyn atap ótken abzal.
Eske salaıyq, qabyldanǵan moratorıı aıasynda jeke kásipkerler 2023 jylǵa deıin tabys salyǵyn tóleýden bosatylǵan.
Pikir qaldyrý