"Otbasy bank" AQ basqarma tóraǵasy Lázzat Ibragımova 200 myńǵa jýyq salymshy ózderiniń birjolǵy zeınetaqy tólemderin paıdalaný boıynsha óz quqyqtaryn iske asyrýǵa múmkindik alǵanyn málimdedi.
– Halyq únine qulaq asatyn, estıtin memleket – rasynda bul shyndyq. Prezıdent Qasym-Jomart Toqaev Úkimetke zeınetaqy jınaqtarynyń jetkiliktilik shegin 2022 jyldyń 1 sáýirine deıin ulǵaıtpaýdy tapsyrdy. 2 jeltoqsannan keıingi www.enpf-otbasy.kz platformasynda qabyldanǵan ótinishterdiń statısıkasyn kórseteıin. Ol dataǵa deıin biz shtattyq rejımde jumys jasadyq jáne kún saıyn 2 myńnan 2.5 myńǵa deıin ótinish qabyldadyq, – dedi ol.
Ótinishterdi qabyldaý statısıkasy:
3 jeltoqsan-21 500
4 jeltoqsan-15 095
5 jeltoqsan-7 789
6 jeltoqsan-38 478
7 jeltoqsan-34 417
8 jeltoqsan-31 441
9 jeltoqsan saǵat 18:30 - 20 699 ótinish jáne keshke deıin taǵy qabyldanady.
Osylaısha, eńbekke qabiletti 170 myńǵa jýyq qazaqstandyqtar dál osylaısha bir aptanyń ishinde ótinish bergen.
Basqarma tóraǵasynyń sózinshe, ótinish berýshiniń qarajatty maqsatty paıdalanýyn rastaýǵa arnalǵan 45 jumys kúni bar. Eger aqsha búgin tússe, jeltoqsandaǵy merekelerdi eskere otyryp, 20 aqpanǵa deıingi ýaqyt bar degen sóz.
– Ekinshi jańalyq – birjolǵy zeınetaqy tólemderin paıdalaný qaǵıdalaryna ózgerister qabyldaý prosesi jyldamdatylady. Indýstrıa jáne ınfraqurylymdyq damý mınıstrligi buıryqty merziminen buryn jarıalaýdy josparlap otyr. Bizdiń klıentter úshin erejege engizilgen bul ózgerister jańa múmkindikter ashady. Biz óz klıentimizdi jaqsy kóremiz jáne olardy qashan da qoldaýǵa daıynbyz. Biz BZT qarajaty esebinen depozıtti toltyrý batyrmasyn 2021 jyldyń 16 jeltoqsanynda iske qosýǵa jáne tórt demalys kúni boıy arnaıy aǵymdaǵy shottar men depozıtterdi ashýǵa daıynbyz, biraq osy kúnge olardy bári ashyp úlgergen sıaqty, – dedi ol.
Barlyǵy www.enpf-otbasy.kz platformasynda onlaın rejımde jasalady.
Pikir qaldyrý