Taldyqorǵan qalasyna qarasha aıynyń ortasynda 16-dan 37 aptaǵa deıingi júktilik kezinde, jasóspirimder men bosanǵannan keıingi 42 kúnnen bastap bala emizetin analar úshin 46 800 doza mólsherinde Komırnatı (Pfizer) vaksınasynyń birinshi partıasy ákelindi, dep habarlady óńirlik komýnıkasıalar qyzmeti.
Búgingi kúni Komırnatı vaksınasynyń birinshi komponentin 8290 jasóspirim aldy, sondaı-aq laktasıa kezeńindegi 1439 ana men júktilik kezinde 550 áıel vaksına alyp úlgerdi.
Al, revaksınasıalaýǵa keler bolsaq, 22 qarashadan bastalǵan egý jumystary óz nátıjesin berýde. Qazirgi kezde koronavırýstyq ınfeksıaǵa qarsy vaksınasıalaýdyń úshinshi kezeńinen 5926 adam ótti, onyń ishinde 1432 adam óz betinshe tekserildi, 483 pedagog, 60 jastan asqan 191 adam, kúsh qurylymdarynyń 85 sondaı-aq, 3561 medısına qyzmetkeri revksınasıalaý kýrsynan ótip úlgerdi.
Almaty oblysy boıynsha koronavırýsqa qarsy vaksınanyń 1-shi komponentin alǵandar sany – 880 820. Ekinshi komponentinti 802 811 turǵyn saldyrǵan.
Aıta keteıik, ótken táýlikte Almaty oblysynda 30 adam KVI juqtyrǵany anyqtaldy. Sonyń ishinde Taldyqorǵan qalasynda-5, Alakól jáne Jambyl aýdandarynda -4, Qapshaǵaı qalasynda – 3, Panfılov, Sarqan, Talǵar jáne Uıǵyr aýdandarynda - 2, Balqash, Eńbekshiqazaq, İle, Qarasaı, Kerbulaq jáne Kóksý aýdandarynda 1 jaǵdaıdan tirkeldi.
9-jeltoqsandaǵy resmı málimetter, óńirde 593 adam stasıonarlyq em qabyldap jatqandyǵyn kórsetýde. Jalpy aımaq aýrýhanalaryndaǵy tósek-oryndar sany 1790-dy quraıdy. Onyń júktemesi 33,1 %-dyq kórsetkishti qurap otyr.
Pikir qaldyrý