Reseı prezıdenti Vladımır Pýtın NATO-men Jenevadaǵy kezdesýden úmitti ekenin jarıalady.  Al Vashıngton Máskeýdiń Ýkraına mańyndaǵy áskerin arttyrý máselesine baılanysty kelissózder qańtar aıynda ótýi múmkin ekeni habarlady.

Pýtın Ýkraına shekarasy mańynda áskerı sharalar qoldanatynyn rastap, biraq Ýkraınaǵa basyp kirý josparyn joqqa shyǵarady.

Kıevtiń qaýipsizdik salasyndaǵy sheneýnikteri 100 myńnan astam reseılik ásker Ýkraına shekaralaryna jaqyn jerge jiberilgenin málimdegen. Al, AQSH Ýkraınaǵa shabýyl jasalsa, Máskeýge "buryn-sońdy bolmaǵan" sanksıa salynatynyn eskertti.

Pýtın NATO-dan Shyǵys Eýropadaǵy barlyq áskerı áreketterinen bas tartýyn jáne Ýkraınany múshelikke qabyldamaýdy talap etti. AQSH tarapy Reseıdiń bul talabyna ázirge naqty ne isteıtini týraly jaýap bermedi. 

Aq úıdiń baspasóz hatshysy Djen Psakı dıplomatıalyq kelissózder boıynsha túpkilikti kelisim bolmaǵanymen, AQSH bul kelisimder boıynsha jumys istep, kelissózdi asyǵa kútetinin aıtty.

Ulybrıtanıa Syrtqy ister mınıstri Lız Trass Máskeýdiń "qańtar aıynda kelissózderge kirisýge daıyn ekenin bildirgenin" quptaıtynyn aıtty, biraq Reseıdiń kez kelgen shabýyly Reseı ekonomıkasyna áser etetin sanksıalarǵa alyp keletinin eskertti.

Fransıa men Germanıa bitimgershilikti saqtaýǵa jáne tutqyndardy aıyrbastaýǵa shaqyrady.