Ǵalymnyń kezekti zertteýi Germanıanyń "Aleksandr fon Gýmbold" qorynyń arnaıy qoldaýymen nemis baspasy "OSTASIEN Verlag"-tan shyǵyp jatyr.

 

Sońǵy on jyl boıy Germanıada qazaq tarıhyna qatysty ǵylymı zertteýlermen aınalysyp kelgen ǵalymnyń kezekti monografıasy "Eurasian Historical Geography as Reflected in Geographical Literature and in Maps from the 13th to the Mid-17th Centuries" (XIII ǵasyrdan XVII ǵasyrdyń ortasyna deıingi geografıalyq jazbalar men tarıhı kartalardaǵy Eýrazıanyń tarıhı geografıasy) dep atalady.

 

Monografıany ǵalymnyń osy saladaǵy uzaq jyldyq zertteýleriniń jemisi deýge bolady. 400 betke jýyq fýndamentaldy ǵylymı eńbekte ǵalym tutas Eýrazıa aımaǵynyń tarıhı geografıasyn aıqyndaýǵa kúsh salyp, orta ǵasyrlyq tarıhı geografıalyq jazbalar men tarıhı kartalardy salystyra zertteý arqyly jańasha paıym men tujyrym jasap, kartografıadaǵy ǵasyrlyq syrdy ashady.

 

Atap aıtqanda, 1402 jyly Koreıada qurastyrylǵan, túpnusqasy Qubylaı han (1215-1294) tusynda syzylǵan eń kóne egjeı-tegjeıli álem kartasy sanalatyn Kańnıdo (tolyq ataýy: 混一疆理歷代國都之圖 “Comprehensive Map of Integrated Lands and Regions of Historical Countries and Their Capitals”) kartasyn, shyǵysy Qytaıdan, batysy Jerorta teńizine deıingi aımaqty sıpattaıtyn 1524-1539 jyldardaǵy «蒙古山水地圖» (Mongolian Landscape Map) kartasyn jáne 1546 jylǵy «西域土地人物圖» (Atlas of the Territories and Peoples of the Western Regions) kartasy men onyń túsindirme bóligi «西域土地人物略» (Outline of the Territories and Peoples of the Western Regions) jazbasyn musylman ǵalymdarynyń tarıhı geografıalyq jazbalarymen salystyra zertteý arqyly atalmysh kartalardyń batys bóligi musylman ǵalymdarynyń jazbalarynan alynǵanyn naqty derektermen dáleldeıdi.

 

Joǵaryda atalǵan kartalarda kórsetilgen Afrıkaǵa, Eýropaǵa jáne Eýrazıaǵa qatysty jer-sý ataýlary arab, parsy, túrki jáne basqa da Batys jáne Ortalyq Azıa tilderindegi ortaǵasyrlyq kartalar men geografıalyq eńbekterden, mysaly, X-XI ǵasyrdaǵy Ál-Istahrıdiń «Kıtab ál-masalık ýá-l-mamalık», Ibn Haýkaldyń «Kıtab al-massallık va-l-mamalık», Mahmut Qashqarıdiń «Dıvan lýǵat at-Túrik» shyǵarmasynan alynǵanyn anyq kórsetedi. Bul – geografıalyq, kartografıalyq zertteý salasyndaǵy tyń jańalyq retinde baǵalanyp otyr.

 

Sonymen qatar tarıhshy Nurlan Kenjeahmettiń 2019 jyly «The Tūqmāq (Golden Horde), the Qazaq Khanate, the Shībānid Dynasty, Rūm (Ottoman Empire), and Moghūlistan in the XIV-XVI Centuries: from Original Sources» («XIV-XVI ǵasyrlardaǵy Tuqmaq (Altyn Orda), Qazaq handyǵy, Shıbanıdter áýleti, Rým ("Osman ımperıasy) jáne Moǵolstan: túpnusqa derekterden") atty kitaby Q.A. Iasaýı atyndaǵy HQTÝ Eýrazıa ǵylymı-zertteý ınstıtýty tarapynan baspadan shyqqan. Kitap Joshy Ulysy men muragerleri jáne sol kezeńdegi kórshiles elderdiń tarıhı geografıasy men tarıhy týraly