Aıjan Esmaǵambetova QR densaýlyq saqtaý vıse-mınıstri — QR Bas memlekettik sanıtarlyq dárigeri bolyp taǵaıyndaldy. Bul týraly premer-mınıstrdiń baspasóz qyzmeti málimdedi. 

Buǵan deıin Qazaqstannyń bas sanıtar dárigeri qyzmetinde Erlan Qıasov bolǵan.

Aıjan Esmaǵambetova 1972 jyly Almaty oblysynda týǵan. 1997 jyly Almaty memlekettik medısına ýnıversıtetin, Qazaqstan medısına ýnıversıtetin (Qoǵamdyq densaýlyq saqtaý Joǵary mektebi), Almaty menedjment ýnıversıtetin bitirgen.

Eńbek jolyn 1990 jyly Almaty qalasyndaǵy №7 emhanada feldsher-zerthanashy bolyp bastaǵan.

1997-2004 jyldary respýblıkalyq sanıtarlyq-epıdemıologıalyq stansıasynyń asa qaýipti ınfeksıalar bóliminde dáriger-epıdemıolog, dáriger-bakterıolog, zerthana meńgerýshisi bolyp jumys istedi.

2004-2014 jyldary QR DSM memlekettik sanıtarlyq-epıdemıologıalyq qadaǵalaý komıtetiniń qurylymynda túrli laýazymdar atqardy.

2013 jyly QR DSM memlekettik sanıtarlyq-epıdemıologıalyq qadaǵalaý komıtetiniń tóraǵasy bolyp taǵaıyndaldy.

2014-2017 jyldary – QR UEM tutynýshylardyń quqyqtaryn qorǵaý komıteti epıdemıologıalyq qadaǵalaý basqarmasynyń basshysy.

2017-2020 jyldary – QR qoǵamdyq densaýlyq saqtaý saıasaty departamentiniń dırektory.

2020 jylǵy qazannan qazirgi ýaqytqa deıin QR DSM sanıtarlyq-epıdemıologıalyq baqylaý komıtetiniń tóraǵasy bolyp jumys istedi.