Berik Ýálı 1977 jyly týǵan. T. Q. Júrgenov atyndaǵy Qazaq memlekettik teatr jáne kıno ınstıtýtyn kınotanýshy mamandyǵy boıynsha, Ál-Farabı atyndaǵy Qazaq ulttyq ýnıversıtetiniń magıstratýrasyn jýrnalısıka mamandyǵy boıynsha, Qazaq ınovasıalyq gýmanıtarlyq zań ýnıversıtetin quqyqtaný mamandyǵy boıynsha bitirgen.

Eńbek jolyn "Tań" telearnasynyń tilshisi bolyp bastap, túrli jyldary "31 arna", "Habar", "Qazaqstan" telearnalarynyń redaktory jáne júrgizýshisi bolyp eńbek etti. Sybaılas jemqorlyqqa qarsy "Nur Medıa" medıa ortalyǵyn basqarǵan.

OQO ákimi apparaty basshysynyń orynbasary, OQO İshki saıasat jáne din isteri basqarmasynyń basshysy, Jambyl oblysy İshki saıasat basqarmasynyń basshysy, "Nur Otan" partıasy tóraǵasynyń birinshi orynbasarynyń keńesshisi, QR Investısıalar jáne damý mınıstriniń keńesshisi jáne aqparattyq qamtamasyz etý departamentiniń dırektory qyzmetterin atqarǵan.

2019 jylǵy naýryzda prezıdenttiń baspasóz hatshysy bolyp taǵaıyndaldy. Sonymen qatar 2019 jyldyń qyrkúıek aıynda "QR prezıdentiniń teleradıokesheni" KEAQ dırektorlar keńesiniń tóraǵasy bolyp saılandy.