Prezıdent sheshimimen Marat Ahmetjanov ishki ister mınıstri qyzmetine taǵaıyndaldy. Bul týraly Aqorda saıty málimdedi. 

Ahmetjanov buǵan deıin Sybaılas jemqorlyqqa qarsy is-qımyl agenttiginiń tóraǵasy qyzmetin atqarǵan.

Ahmetjanov Marat Muratuly 1964 jyly 22 jeltoqsanda dúnıege kelgen.1991 jyly E.A.Býketov atyndaǵy Qaraǵandy memlekettik ýnıversıtetin bitirgen, mamandyǵy – zańger.

Eńbek jolyn 1991 jyly taǵylymger qyzmetinen bastap, keıin Temirtaý qalasy prokýratýrasynyń tergeýshisi bolyp qyzmet atqarǵan.

1993-1996 jj. – Bas prokýratýra janyndaǵy Sybaılas jemqorlyqqa qarsy kúres jónindegi arnaıy prokýratýranyń asa mańyzdy ister jónindegi aǵa tergeýshisi, Bas prokýratýranyń Asa qaýipti qylmystardy tergeý basqarmasy aımaqtyq tergeýshiler bóliminiń bastyǵy.

1996-1997 jj. – Memlekettik tergeý komıtetiniń Asa qaýipti qylmystardy tergeý basqarmasynyń bólim bastyǵy, Memlekettik tergeý komıtetiniń Áskerı-tergeý departamenti tergeý basqarmasynyń bastyǵy.

1997-1998 jj. – İshki ister mınıstrliginiń Áskerı-tergeý departamenti tergeý basqarmasynyń bastyǵy.

1998-2001 jj. – Tergeý departamenti dırektorynyń orynbasary jáne Ádilet mınıstrliginiń Sot qaýlylaryn oryndaý komıteti tóraǵasynyń orynbasary.

2001-2003 jj. – Bas prokýratýranyń Tergeý jáne anyqtaý organdaryndaǵy zańdylyqty qadaǵalaý departamentiniń bastyǵy.

2003-2006 jj. – Pavlodar oblysynyń prokýrory.

2006-2009 jj. – Ońtústik Qazaqstan oblysynyń prokýrory.

2009-2012 jj. – QR Bas prokýratýrasy Quqyqtyq statısıka jáne arnaıy esepke alý jónindegi komıtetiniń tóraǵasy.

2012-2014 jj. – QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary.

2014-2016 jj. – Atyraý oblysy Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy, Atyraý oblysy Sybaılas jemqorlyqqa qarsy is-qımyl ulttyq búro departamentiniń basshysy.

2016-2021 jj. – Qazaqstan Respýblıkasy Bas Prokýrorynyń orynbasary.

2021 jyldyń 16 sáýirinen bastap Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) tóraǵasy boldy.

Burynǵy ishki ister mınıstri Erlan Turǵymbaev prezıdent keńesshisi laýazymyna taǵaıyndaldy.