Prezılent jarlyǵynda keńes jastarǵa qatysty keshendi memlekettik saıasattyń basym baǵyttaryn anyqtaý, ony qalyptastyrý jáne iske asyrý jóninde usynymdar tujyrymdaý, prezıdentti jastar arasyndaǵy ahýal týraly habardar etip otyrý, memlekettik jastar saıasatyn iske asyrý tıimdiligine taldaý jasaý, memleket saıasatynyń jastarǵa qatysty ózge de mańyzdy máselelerin talqylaý sekildi mindetter atqaratyny aıtylady.

Keńes quramy tómendegi sýrette usynylǵan.

Keńes quramyna baılanysty áleýmettik jelide reaksıa tanytyp jatqandardyń pikiri ártúrli. Biri bastamany quptap, "bárekeldi" dese, biri "eldiń bolashaǵy óńkeı bloger, erikti, shoýmender emes, ekonomıs, qarjyger, IT mamandaryndarda" dep jatyr. Keıbireýler bitpeıtin keńes sharshatqanyn jazýdy.

Qazaqstanda qandaıda bir másele boıynsha keńes qurý úrdisi burynnan bar. Qazirgi ýaqytta ulttyq qoǵamdyq senim keńesi eldegi saıası reformalardy júzege asyrý boıynsha usynystar ázirleýmen aınalysady.

Keńes basshylyǵymen saıası partıalar týraly, saılaý týraly, beıbit jınalystardy uıymdastyrý jáne ótkizý tártibi týraly zańdarǵa ózgeris engizildi. Olarǵa saı, partıa tirkeý úshin qajetti 40 myń qol 20 myńǵa tómendetildi. Partıalyq saılaý tizimindegi kandıdattardyń 30 paıyzy mindetti túrde áıelder men 29 jasqa deıingi jastardan quralýǵa tıis. Parlamenttik opozısıa túsinigi engizildi. Mıtıńtiń habarlaý qaǵıdaty qabyldandy. Aýyl ákimderiniń saılaýy ótti.

Kózqarasy bılik saıasatynmen úndes sarapshylar jańa normalardy demokratıalyq jolǵa túsýdegi mańyzdy qadamǵa balasa, táýelsiz sarapshylar normalar shynaıy saıası reformaǵa bastamaıtynyn, "saıası reforma ımıtasıasy" ǵana ekenin aıtady.