Jeńis kúni qarsańynda SHQO ákimi Semeı qalasyna kelip, Uly Otan soǵysynyń ardegerleriniń úılerine baryp merekelerimen quttyqtady.

Oblys ákimi Semeı qalasyna kelip birinshi Rashıda Hasanovany quttyqtady.

Rashıda Ashrafovna 1932 jyly 14 naýryzda dúnıege kelgen. Segizinshi synypty aıaqtap kitaphanashy bolyp jumys istegen.

Ekijyldyq muǵalimder ınstıtýtyn aıaqtaǵannan keıin sol ýaqyttaǵy Jańasemeı aýdanynyń Bulaq aýylyna joldanǵan. Sodan keıin pedagogıkalyq ınstıtýttyń fızıka-matematıka fakúltetine oqýǵa qabyldanǵan. Instıtýtty aıaqtaǵannan keıin Túrksib mektebine oqý isiniń meńgerýshisi laýazymyna joldandy. Segizjyldyq mektepte dırektor laýazymynda jumys atqardy. 1973 – 1988 jyldary, qurmet demalysyna shyqqanǵa deıin, Rashıda Ashrafovna muǵalimderdiń biliktiligin arttyrý ınstıtýtyn basqardy.

«Qurmet belgisi» ordenimen, «Eńbek ardageri», «Eren eńbegi úshin» medaldarymen, oblys jáne qala ákimderiniń gramotalarymen, «KSRO jáne QazKSR bilim berý isiniń úzdigi», «Uly Otan soǵysynyń ardageri» tósbelgilerimen marapattalǵan.

97 jastaǵy soǵys ardageri Matveı Iýrchenko óńir basshysyna óziniń jaýyngerlik jolý týraly aıtyp berdi.

Matveı Iýrchenko 1925 jyly 20 tamyzda dúnıege kelgen. 1943 jyldyń 8 naýryzynda Krasnoıarsk ólkesiniń Mınýsınskıı aýdandyq áskerı komısarıatymen ásker qataryna shaqyrtylǵan. 1943 - 1945 jyldary 229 atqyshtar polki qatarynda Ekinshi Ýkraına maıdanynda shaıqasqan. Jaýyngerligi erligi úshin İİ dárejeli «Otan soǵysy» ordenimen jáne «Erligi úshin», «Germanıany jeńgeni úshin» medaldarymen marapattalǵan.

SHQO ákimi Jeńis kúnimen 96 jastaǵy soǵys ardageri Asqar Rahymbaevty quttyqtady. 1941 jyly Asqar Rahymbaev Aqsýat aýdandyq áskerı komısarıaty arqyly áskerge shaqyrtylǵan. 378 áskerı bólimniń qatarynda Shyǵys maıdanynda shaıqasqan. Rýmynıany, Brasheva jáne Mısheldi fashısik germanıadan azat etýge qatysqan.

Jaýyngerlik erligi úshin «Otan soǵysy» ordenimen, «Germanıany jeńgeni úshin», «Minsiz eńbegi úshin», «Eńbek ardageri» medaldarymen marapattalǵan. Ardagerdiń 10 bala, 27 nemere, 43 shóbere, 2 shópshegi bar.

Oblys basshysy soǵys ardagerlerin jáne tyl eńbekkerlerin Jeńis kúnimen quttyqtap, zor densaýlyq, uzaq ǵumyr tiledi jáne bir jarym mıllıonnyń sertıfıkatyn, turmystyq tehnıka jáne azyq-túlik korzınasyn tabystady.

Semeı qalasyndaǵy aqparattyq ortalyǵy