Aýǵanstanda qýatty jer silkinisi bolyp, kemi 1000-nan astam adam qaza tapty. Zilzaladan kelgen shyǵynnyń kóptigi sonsha, el basshylyǵyndaǵy tálipter halyqaralyq qoldaýǵa muqtaj ekenin málim etti.
VVS diń dereginshe, zilzaladan kemi 1500 adam túrli dene jaraqatyn alǵan. Qırandy astynda qalǵandar sany qansha ekeni ázirge belgisiz.
Eldiń ońtústik-shyǵysyndaǵy Paktıka provınsıasy qatty qıraǵan. Qutqarý jumystary nóser men resýrstardyń jetispeýshiliginen qıynǵa túsip jatyr.
Host qalasynan 44 shaqyrym jerdegi zilzala epısentrine jaqyn aýyldar tolyǵymen búlingen, joldar qırap, mobıldik baılanys úzilgen. Qaza tapqandar sany arta túse me degen qaýip bar.
Aýǵanstanda mundaı iri jer silkinisi bolmaǵaly jıyrma jyldan asqan.
Tálipter Aýǵanstan gýmanıtarlyq jáne ekonomıkalyq daǵdarysty ótkerip jatqandyqtan, úkimet halyqqa qajetti mólsherde qoldaý kórsete almaıtynyn aıtyp, halyqaralyq qaýymdastyqtan kómek surap otyr.
BUU-nyń tóraǵasy Antonıý Gýterrısh medısınalyq brıgada, dári-dármek, azyq-túlik pen apatta jan saýǵalaıtyn ýaqytsha baspanalar zilzala ornyna jóneltilgenin habarlady.
Pikir qaldyrý